1212 - Samskifti og fjølmiðlar
Skeiðsupplýsingar
Heiti
Samskifti og fjølmiðlar
Skeiðsnummar
1212.18
Lestrarár
2024-2025
ECTS
5,00
Stig
Bachelor
Deildir
Føroyamálsdeildin
Útbúgvingar
B.A. í føroyskum
Fortreytir
Bókligt (t.e. gymnasialt) miðnámsprógv við góðum próvtali (svarar til minst 5,8 í miðal eftir 7-talsstiganum/8 í miðal eftir 13-talsstiganum) í føroyskum.
Undirvísingarmál
Undirvíst verður á føroyskum. Undirvísingartilfarið er á føroyskum og skandinaviskum. Framløgur, uppgávur, próvtøkur o.a.m. er á føroyskum.
Tilmelding
Lesandi á 1. lestrarhálvu í B.A. í føroyskum eru sjálvvirkandi tilmeldað. Stakgreinalesandi melda seg til skeiðið umvegis Lestrarskrivstovuni við at senda teldupost til lss@setur.fo
Byrjanardato
3. september 2024
Endadato
3. desember 2024
Fakligt innihald
Endamál
At ogna sær kunnleika um samskifti og miðlar, harundir miðlasøgu, miðlasløg, ástøði um miðlar, miðlagreining og háttaløg. Harumframt verður dentur lagdur á at skilja samspælið millum miðlar og mentan og at ogna sær førleika at skilmarka, greina, tulka og kritiskt viðgera fjølmiðlatekstir í samskiftishøpi teirra (heitið ‘tekstur’ sipar her til ymisk miðlaútlát, t.d. prentaðar ella munnligar tekstir, nettekstir, myndir, ljóð/myndainnsløg og sendingar).
Læruúrtøka
Studenturin skal duga at • greiða frá týðandi samskiftis- og fjølmiðlaspurdómum • greiða frá týðandi ástøði um samskifti og fjølmiðlar í mentanarligum samteksti • greina fjølmiðlatekstir og viðgera teir í samskiftishøpi teirra við støði í viðkomandi ástøði og háttaløgum • vísa hugtaksliga fatan av miðlasniðum og valdum tekstum í teirra mentanarliga og samfelagsliga høpi • grundgeva fyri og meta um vald ástøði og háttaløg í greining av tekstum
Innihald
Lærugreinin gevur innlit í høvuðshugtøk, -ástøði og -háttaløg í samspælinum millum mentan og miðlar í nútíðar norðurlendskum og alheims samteksti. Lisnar verða grundbókmentir um samskifti og miðlar við klassiskum og samtíðarligum frumtekstum sum dømi. Umrøddir verða prentmiðlar, loftmiðlar, netmiðlar og nútíðar samvirknir sosialir miðlar við atliti at framkomu, menning og týdningi teirra í modernaða samfelagnum. Evnisøki kunnu vera eitt nú tíðindaflutningur, dokumentar, føroyska flokspressan, netbornir sosialir miðlar, bloggar, klassisk frásøgusnið í nútíðar miðlum, miðlar og fólkaræði, politiskt samskifti og spunasmíð, lýsingarsamskifti. Við støði í viðkomandi ástøði og háttaløgum verða valdir tekstir, myndir, sendingar og innsløg greinað og kritiskt viðgjørd í samskiftishøpi teirra.
Læru- og undirvísingarhættir
Undirvíst verður 2 tímar um vikuna í eina lestrarhálvu. Undirvísingin er skipað sum floksundirvísing við lærara- og studentaframløgum og venjingum.
Próvtøka
Próvtøkuháttur
Munnlig próvtøka við hálvtíma fyrireiking. Studenturin kann hava uppgivin verk og tilfar frá undirvísingini hjá sær í fyrireikingini. Endurpróvtøka: Eins og reglulig próvtøka.
Próvdøming (innanhýsis/uttanhýsis)
Uttanhýsis
Próvtalsstigi
Ikki ásett
Próvtøkudagur/dagar
Munnliga próvtøkan er sett at vera 14-01-2025
Freist fyri frámelding til próvtøku
3. september 2024
Ábyrgd og undirvísarar
Ábyrgd
Zakaris Svabo Hansen
Undirvísarar
Bjarni Arge, Zakaris Svabo Hansen
Aftur