1235 - Ljóð- og formlæra
Skeiðsupplýsingar
- Heiti
- Ljóð- og formlæra
- Skeiðsnummar
- 1235.17
- Lestrarár
- 2024-2025
- ECTS
- 10,00
- Stig
- Bachelor
- Deildir
- Føroyamálsdeildin
- Útbúgvingar
- B.A. í føroyskum
- Fortreytir
- Bókligt (t.e. gymnasialt) miðnámsprógv við góðum próvtali (svarar til minst 5,8 í miðal eftir 7-talsstiganum/8 í miðal eftir 13-talsstiganum) í føroyskum.
- Undirvísingarmál
- Undirvíst verður á føroyskum. Undirvísingartilfarið er á føroyskum og skandinaviskum. Framløgur, uppgávur, próvtøkur o.a.m. er á føroyskum.
- Tilmelding
- Lesandi á 1. lestrarhálvu í B.A. í føroyskum og hjánámi í føroyskum eru sjálvvirkandi tilmeldað. Stakgreinalesandi melda seg til skeiðið umvegis Lestrarskrivstovuni við at senda teldupost til lss@setur.fo
- Byrjanardato
- týsdagur, 3. september 2024
- Endadato
- týsdagur, 3. desember 2024
Fakligt innihald
- Endamál
- At fáa innlit í føroyska ljóðlæru, ljóðskipan og formlæru soleiðis, at studenturin dugir føroyska ljóðskrift, kennir ljóðskipanina og kennir føroyska orðmyndan.
- Læruúrtøka
- Studentur, ið hevur staðið føroyska ljóð- og formlæru sum part av BA-prógvi í føroyskum, hevur, tá ið skeiðið er lokið, fingið kunnleika um ljóðlæru, ljóðskipanarlæru og formlæru alment. Við hesari vitan skal studenturin: • duga at nýta fakheiti innan ljóðlæru, ljóðskipanarlæru og formlæru • duga IPA ljóðskriftina og nýta hana at ljóðskriva føroyskt talað mál • kenna og hava skilt høvuðsreglurnar í føroyskari ljóðskipan • duga at arbeiða við føroyskari orðmyndan (avleiðslum, samansetingum og bendingum) og hava skil á føroyskari ljóðbending. • hava grundleggjandi innlit í málvísindalig háttaløg • vera før/ur fyri at umrøða málsligar spurningar við hóskandi hugtøkum á málvísindaligum grundarlag.
- Innihald
- Í ljóðlæru og ljóðskipanarlæru fær studenturin ástøðiligan og verkligan kunnleika um evnið við serligum denti á føroyskt. Í formlæru verður arbeitt við orðmyndan alment og orðmyndan í føroyskum serliga. Tað merkir, at arbeitt verður við bendingum, avleiðslum, samansetingum og ljóðbending. Ein partur av lestrinum eru heimauppgávur, sum studenturin skal lata inn ásetta tíð.
- Læru- og undirvísingarhættir
- Undirvíst verður 2 tímar um vikuna í eina lestrarhálvu. Undirvísingin fer í høvuðsheitum fram sum fyrilestrar, studentaframløgur, bólkaarbeiði, venjingar (skulu latast inn ásetta tíð) og sjálvlestur.
Próvtøka
- Próvtøkuháttur
- Skrivlig próvtøka í 4 tímar, har øll hjálparamboð eru loyvd.
- Próvdøming (innanhýsis/uttanhýsis)
- Innanhýsis
- Próvtalsstigi
- Staðið/Ikki staðið
- Próvtøkudagur/dagar
- Skrivliga próvtøkan verður 18. desember 2024.
- Freist fyri frámelding til próvtøku
- týsdagur, 3. september 2024
Ábyrgd og undirvísarar
- Ábyrgd
- Hjalmar Páll Petersen
- Undirvísarar
- Hjalmar Páll Petersen, Sissal Maria Rasmussen