Skeiðsgongd

Skeiðsupplýsingar

Heiti: Kroppurin í norrønari gudafrøði
Skeiðsnummar: 1785.24
Lestrarár: 2024-2025
ECTS: 10,00
Stig: Master
Deildir: Føroyamálsdeildin
Útbúgvingar: M.A. í føroyskum
Fortreytir: Studenturin skal hava staðið BA í føroyskum ella samsvarandi. Til ber eisini at taka skeiðið sum stakskeið við øðrum fortreytum (víst verður til galdandi námsskipan).
Undirvísingarmál: Føroyskt
Tilmelding: Lesandi á 4. og 6. lestrarhálvu í B.A. í føroyskum melda seg til skeiðið umvegis Moodle. Stakgreinalesandi melda seg til skeiðið umvegis lestrarskrivstovuna á umsokn@setur.fo
Byrjanardato: týsdagur, 4. februar 2025
Endadato: týsdagur, 6. mai 2025

Fakligt innihald

Endamál: Endamálið við skeiðnum er, at tey lesandi fáa innlit í miðaldarligu skrivligu keldurnar um norrøna gudafrøði og um, hvussu kroppar verða viðgjørdir í hesum keldum. Tey lesandi ogna sær evni at greina og tulka hesar keldur við støði í bókmentaligum og sosialvísindaligum ástøði.
Læruúrtøka: Tá ið skeiðið er lokið, eru tey lesandi før fyri at: • greina og tulka tekstir um norrøna gudafrøði • greina tekstirnar út frá ástøði um skaldskap av manna munni • finna fram og nýta hóskandi ástøði til at tulka lýsingar av kroppum og myndamál um kroppar í tekstunum • gera ástøðiliga grundaðar metingar um, hvussu tekstirnir kunnu geva okkum innlit í tankagongdir í miðaldarsamfelagnum, tá tekstirnir vórðu til • viðgera sambandið millum norrøna gudafrøði og myndamál í tekstunum og meta um spurningarnar, sum verða settir í granskingini av tekstunum í dag
Innihald: Skeiðið kannar, hvussu kroppar verða viðgjørdir sum miðlandi amboð og súmbolskt tilfeingi í miðaldarligum tekstum um norrøna gudafrøði. Við at nýta tvørfaklig ástøði úr bókmenta- og sosialvísindum verður kannað, um og hvussu vit, við at granska kropslýsingar í hesum tekstum, kunnu fáa innlit í tankagongdina hjá teimum, sum festu hesar søgur á blað, og hjá okkum sjálvum.
Læru- og undirvísingarhættir: Fyrilestrar, studentaframløgur, bólkaarbeiði og seminar/kjakfundir.

Próvtøka

Ábyrgd og undirvísarar

Aftur