Skeiðsgongd

Skeiðsupplýsingar

Heiti: Marknaðarføring
Skeiðsnummar: 2284.23
Lestrarár: 2022-2023
ECTS: 7,50
Stig: Bachelor
Deildir: Søgu- og samfelagsdeildin
Útbúgvingar: B.Sc. í búskaparfrøði og virkisfrøði
Fortreytir: Miðnámskúlaprógv við støddfrøði á B-stigi.
Undirvísingarmál: Undirvíst verður á føroyskum. Undirvísingartilfar er á enskum, føroyskum og skandinaviskum. Orðaskifti, framløgur o.a.m. er á føroyskum.
Tilmelding: Lesandi á 2. lestrarhálvu í B.Sc. í búskaparfrøði og virkisfrøði eru sjálvvirkandi tilmeldað. Stakgreinalestur og valskeið verða avgreidd á skrivstovuni á Søgu- og samfelagsdeildini.
Byrjanardato: 3. februar 2023
Endadato: 2. juni 2023

Fakligt innihald

Endamál: At lesandi fáa grundleggjandi kunnleika um marknaðarføring og gerast før fyri at lýsa, greina og meta um støðuna hjá eini fyritøku og at loysa marknaðarføringsavbjóðingarnar hjá fyritøkuni.
Læruúrtøka: Tann lesandi skal eftir lokið skeið megna at: • Skilja og nýta grundleggjandi ástøði innan marknaðarføring • Lýsa marknaðarumhvørvið og týdningin tað hevur fyri fyritøkuna, umframt ávirkanina á marknaðarátøkini hjá fyritøkuni • Greiða frá brúkara- og keypsatburðinum hjá ymiskum viðskiftabólkum • Skipa marknaðir út frá ymiskum eyðkennum • Lýsa virðir hjá viðskiftafólkum og hvussu fyritøkur brúka hesi í marknaðarføringsátøkum • Meta um kappingarfyrimunir og hvussu fyritøkur á besta hátt kunnu gagnnýta hesar • Meta um, hvør marknaðarstrategi er hóskandi fyri eina fyritøku • Útinna eina marknaðarætlan
Innihald: Í hesum skeiðinum verður undirvíst í, hvussu marknaðarføring skapar virði fyri fyritøkuna og viðskiftafólkini. Og hvussu hetta virðið kann gagnnýtast tilætlað umvegis marknaðarføring. Strembað verður eftir at geva teimum lesandi eina grundleggjandi fatan av, hvussu fyritøkur brúka marknaðarføring umvegis ástøði og dømir úr veruleikanum.
Læru- og undirvísingarhættir: Frálærutímarnir verða nýttir til fyrilestrar, kjak, uppgávur og næmingaframløgur.

Próvtøka

Próvtøkuháttur: Skrivlig próvtøka á 3 tímar. Lesandi kunnu hava alt tilfar við til próvtøkuna og hava atgongd til internet undir próvtøkuni. Fortreyt fyri at sleppa til próvtøku er, at tann lesandi hevur latið inn eina bólkauppgávu, sum er vorðin góðkend av undirvísaranum.
Próvdøming (innanhýsis/uttanhýsis): Uttanhýsis
Próvtalsstigi: 7-talsstigin
Próvtøkudagur/dagar: Próvtøkan er sett til 31. mai 2023.
Freist fyri frámelding til próvtøku: 17. februar 2023

Ábyrgd og undirvísarar

Aftur