Skeiðsgongd

Skeiðsupplýsingar

Heiti: Kirkjurættur
Skeiðsnummar: 2461.20
Lestrarár: 2022-2023
ECTS: 10,00
Stig: Master
Deildir: Søgu- og samfelagsdeildin
Útbúgvingar: M.A. í løgfrøði, Ískoytisútbúgving í føroyskum kirkjukunnleika
Fortreytir: Skeiðið er ætlað løgfrøðilesandi við loknum bachelorprógvi. Eisini onnur við hóskandi bachelorprógvi ella samsvarandi útbúgving og arbeiðsroyndum kunnu luttaka.
Undirvísingarmál: Undirvíst verður á føroyskum. Undirvísingartilfar er á skandinaviskum, føroyskum og enskum. Bólkarbeiði, framløgur, orðaskifti o.a.m. er á føroyskum.
Tilmelding: Lesandi á M.A. í løgfrøði og stakgreinalesandi melda seg til skeiðið umvegis skrivstovuna á Søgu- og samfelagsdeildini. Sóknarprestar í embæti skriva seg inn til útbúgvingina umvegis próstin ella læraran.
Byrjanardato: 7. februar 2023
Endadato: 2. mai 2023

Fakligt innihald

Endamál: Skeiðið skal geva lesandi tilvitsku og kunnleika um føroyska kirkjuskipan og -embætisførslu.
Læruúrtøka: Eftir lokið skeið eru tey lesandi før fyri at: • lýsa tað fólkakirkjuliga lógarverkið í síni heild við sínum søguligu og politisku fortreytum • greiða frá tí kirkjuligu lóggávuni við atliti at embætisførslu, starvi og umsiting
Innihald: Høvuðsevni, sum verða viðgjørd á skeiðinum, eru hesi: • Fólkakirkjan sum trúarsamfelag: játtanargrundarlag og læra, løggilding og kirkjulig umsjón, trúarfrælsi og samvitskufrælsi • Limaskapur: rættindi og skyldur • Skipan: sókn, prestagjald, próstadømi, biskupsdømi, samstarv • Stjórnarviðurskifti: kirkjuráð, próstadømisráð, stiftsstjórn, løgting og landsstýri, fyrisitingarlógin • Fíggjarviðurskifti: kirkjukassin, kirkjuskattur, kirkjugrunnurin, landskassastuðul, fíggjarætlan og samráð • Embæti: prestur, próstur, biskupur, setanartilgongd • Starvsfólk: sjálvboðin og lønt • Bygningar: bygging og innrætting, rakstur, nýtsla, friðingarmyndugleikar • Aðrar lógir, eitt nú tænastumannalógin, navnalógin, hjúnabandslógin, halgidagslóggávan • Sjálvbodnir felagsskapir • Onnur trúarsamfeløg.
Læru- og undirvísingarhættir: Undirvísingin verður skipað sum fyrilestur og kjak. Møguleiki verður eisini fyri bólkaarbeiði og framløgu frá teimum lesandi.

Próvtøka

Próvtøkuháttur: Uttanseturs próvdøming (saman við lærarum). Munnlig próvtøka upp á uml. 20 min. Til munnligu próvtøkuna fær hin lesandi hálvan tíma til fyrireikingar og hevur loyvi at hava lestrartilfarið og annað tilfar frá undirvísingini við í fyrireikingarhølið. Próvtøkuspurningurin er um ávís evni í lestrarlistanum. 7-talsstigin – 12,10,7,4,02,00,-3 (A,B,C,D,E,F,Fx).
Próvdøming (innanhýsis/uttanhýsis): Uttanhýsis
Próvtalsstigi: 7-talsstigin
Próvtøkudagur/dagar: Munnliga próvtøkan er sett til 9. mai 2023.
Freist fyri frámelding til próvtøku: 21. februar 2023

Ábyrgd og undirvísarar

Aftur