Skeiðsgongd

Skeiðsupplýsingar

Heiti: Altjóða politikkur
Skeiðsnummar: 2822.19
Lestrarár: 2022-2023
ECTS: 10,00
Stig: Bachelor
Deildir: Søgu- og samfelagsdeildin
Útbúgvingar: B.S.Sc. í politikki og umsiting, B.A. í søgu (Smátjóðir og altjóðagerð)
Fortreytir: Tey lesandi skulu hava staðið støðisútbúgvingina á Søgu- og Samfelagsdeildini ella hava samsvarandi førleika.
Undirvísingarmál: Undirvíst verður á føroyskum. Undirvísingartilfar er á enskum, skandinaviskum og føroyskum. Fyrilestrar o.a.m. er á føroyskum.
Tilmelding: Lesandi á 6. lestrarhálvu í B.S.Sc. í politikki og umsiting eru sjálvvirkandi tilmeldað. Lesandi á 6. lestrarhálvu í B.A. í søgu - smátjóðir og altjóðagerð og stakgreinalesandi melda seg til skeiðið umvegis skrivstovuna á Søgu- og samfelagsdeildini.
Byrjanardato: 30. januar 2023
Endadato: 23. mars 2023

Fakligt innihald

Endamál: Endamálið er at geva tí lesandi innlit í grundleggjandi hugtøk og ástøði um altjóða politikk og við støði í hesum at menna førleikan hjá tí lesandi til sjálvstøðugt at viðgera aktuel altjóða politisk evni.
Læruúrtøka: Tey lesandi skulu: • duga tey grundleggjandi hugtøkini í altjóða politikki • duga at seta aktuell altjóða politisk evni inn í ein breiðari ástøðiligan samanhang • duga at viðgera aktuell altjóða politisk viðurskifti við støði í teimum ástøðum og hugtøkum, sum tey hava lært.
Innihald: Eitt, sum eyðkennir altjóða politikk, er, at tað ikki finst nakar givin evsti myndugleiki, sum kann seta spælireglurnar fyri viðurskiftini millum alheimsins lond. Hetta ger, at altjóða politikkur grundleggjandi brýtur frá innanhýsis tjóðarligum (nationalstatsligum) politikki. Um tað ikki finst nakar evsti myndugleiki, hvussu verða millumlanda viðurskifti so skipað? Evnið verður lýst við bæði yvirlitsbókmentum og við úrvaldum upprunatekstum – bæði klassisk og modernað ástøði verða viðgjørd (t.d. realisma, institutionalisma og konstruktivisma). Evni, sum verða viðgjørd, eru millum annað: a) Anarki og altjóða politikkur b) Makt og altjóða politikkur c) Trygdarpolitikkur d) Føroyar og Arktis.
Læru- og undirvísingarhættir: Skeiðið (30 tímar tilsamans) er sett saman av fyrilestrum undirvísarans, gestalærarum umframt virknari luttøku frá teimum lesandi.

Próvtøka

Próvtøkuháttur: Munnlig próvtøka við støði í einari skrivligari uppgávu (millum 4.000-5.000 orð). Evnið verður valt í samráð við undirvísaran.
Próvdøming (innanhýsis/uttanhýsis): Uttanhýsis
Próvtalsstigi: 7-talsstigin
Próvtøkudagur/dagar: Skrivliga uppgávan verður latin inn 20. mars 2023, og munnliga próvtøkan er sett til 27. mars 2023.
Freist fyri frámelding til próvtøku: 13. februar 2023

Ábyrgd og undirvísarar

Aftur