2832 - Løgfrøðilig fatan
Skeiðsupplýsingar
- Heiti
- Løgfrøðilig fatan
- Skeiðsnummar
- 2832.24
- Lestrarár
- 2023-2024
- ECTS
- 10,00
- Stig
- Bachelor
- Deildir
- Søgu- og samfelagsdeildin
- Útbúgvingar
- Bachelor í løgfrøði
- Fortreytir
- Miðnám ella samsvarandi førleika
- Undirvísingarmál
- Undirvíst verður á føroyskum.
- Tilmelding
- Lesandi á 2. lestrarhálvu í Bachelor í løgfrøði, eru sjálvvirkandi tilmeldað. Stakgreinalesandi melda seg til skeiðið umvegis skrivstovuna á Søgu- og samfelagsdeildini.
- Byrjanardato
- 31. januar 2024
- Endadato
- 24. mai 2024
Fakligt innihald
- Endamál
- At veita innlit í ymsa fatan og menning í tulkingarlæru, rættarkeldulæru og løgspeki. Fakið er ætlað løgfrøðilesandi, umframt øðrum við siðsøguligum og stjórnarligum áhuga
- Læruúrtøka
- Tey lesandi skulu: -Greiða frá týðandi rákum í løgfrøðiligari heimspeki og venju. -Greiða frá viðkomandi tulkingarhættum og tulkingaravbjóðingum, sum eyðkenna ymsu tíðarskeiðini, rákini og byltingarnar. -Greiða frá týdninginum av ymiskligum løgfrøðiligum fatanum fyri borgara, fyrisitara, stjórn, ting, dómstólar og aðrar stovnar, eisini kommunalar, samveldis og millumtjóða. - Vísa eina fatan av týdninginum fyri tulking og rættarskapan, sum er knýttur at tí veruleika, at rættarnormar kunnu býtast millum reglur, standardir og prinsippir. -Leggja fram og føra próvgrundir við fatan av praktiska týdninginum av teim ymsu fatanunum, rákunum og venjunum. -Miðla og orða vitan og framløgu fakliga og málsliga vandaliga merkt av greiðari skipan og høpi
- Innihald
- Skeiðið leggur serligan dent á rættarkeldulæru og tulking, serliga trupul mál, og ymisk løgspekilig rák og hvussu hesi ávirka venju í ymsum tíðarskeiðum, stovnum og høpum. Skeiðið fevnir um hesi ítøkiligu evni: - Hvat er løgspeki, og hvør er munurin á løgspeki og rættarkeldulæru (rættarlæru)? - Normlæru, serliga munin á reglum, standardum og prinsippum. - Lýsing av siðbundnu rættarkeldunum. - Lógartulking í ástøði og venju. - Munin á siðvenjulóg og samtyktari lóg og fortreytunum fyri hesum. - Løgfrøðilig argumentatión og retorikkur. - Natúrrætt og rættarpositivismu. - Pragmatismu. - Realismu. - Trupul mál. - Munin á at tulka og fylla út
- Læru- og undirvísingarhættir
- Uml. 60 tímar. Undirvísingin verður í høvuðsheitum skipað við framløgum frá lærara og venjingum í tímanum
Próvtøka
- Próvtøkuháttur
- Skrivlig próvtøka á 4 tímar telur 2/3, heimauppgáva telur 1/3 av próvtalinum. Fortreyt fyri at fara til roynd er, at tann lesandi hevur staðið heimauppgávuna, mett sum sjálvstøðugt avrik. Til endaligu royndina er alt skeiðstilfar tøkt, og atgongd er til net
- Próvdøming (innanhýsis/uttanhýsis)
- Innanhýsis
- Próvtalsstigi
- 7-talsstigin
- Próvtøkudagur/dagar
- Skrivliga próvtøkan er sett til 24. mai 2024.
- Freist fyri frámelding til próvtøku
- 14. februar 2024
Ábyrgd og undirvísarar
- Ábyrgd
- Bárður Larsen
- Undirvísarar
- Bárður Larsen, Jóhan Jógvansson Lamhauge, Kristian Joensen