2835 - Endurgjaldsrættur
Skeiðsupplýsingar
Heiti
Endurgjaldsrættur
Skeiðsnummar
2835.19
Lestrarár
2023-2024
ECTS
10,00
Stig
Bachelor
Deildir
Søgu- og samfelagsdeildin
Útbúgvingar
Bachelor í løgfrøði
Fortreytir
Miðnám ella samsvarandi førleika.
Undirvísingarmál
Undirvíst verður á føroyskum.
Tilmelding
Lesandi á 2. lestrarhálvu í Bachelor í løgfrøði eru sjálvvirkandi tilmeldað. Stakgreinalesandi melda seg til skeiðið umvegis skrivstovuna á Søgu- og samfelagsdeildini.
Byrjanardato
1. februar 2024
Endadato
13. juni 2024
Fakligt innihald
Endamál
At veita innlit í endurgjaldsrætt sum rættarøki. Dentur verður lagdur á grundleggjandi reglur og hugtøk í endurgjaldsrætti uttan fyri avtalu.
Læruúrtøka
Tey lesandi skulu kunna: - Greiða frá høvuðsreglunum innan endurgjaldsrætt. - Greiða frá skuldregluni (culparegluni). - Greiða frá reglunum um objektiva ábyrgd og vísa á dømi, har slík er galdandi. - Greiða frá reglunum um atvoldarsamband(kausalitet) og adækvans. - Greina loysnir í ítøkiligum málum á ein samanhangandi og skipaðan hátt , ið gevur fatan av at hava yvirlit yvir týðandi spurningar innan endurgjaldsrætt. - Miðla og orða vitan innan endurgjaldsrætt merkt av greiðari fakligari fatan. - Lýsa hvørjar objektivar treytir eru fyri at fáa endurgjald. - Lýsa týdningarmestu reglurnar um endurgjald á serstøkum økjum. - Greina endamálið við endurgjaldsrættinum. - Greina útvaldar dómar innan endurgjaldsrætt.
Innihald
Skeiðið gjøgnumgongur reglurnar fyri nær, ið ein kann ábyrgjast fyri tap orsakað av skaða. Viðgerðin fevnir um grundleggjandi øki innan endurgjaldsrættin sum skuldregluna (culparegluna), rættarstøðuna hjá børnum, endurgjaldsábyrgd hjá arbeiðsgevarum, objektiva ella strangari ábyrgd á úrvaldum økjum og reglurnar um adækvans og atvoldarsamband(kausalitet).
Læru- og undirvísingarhættir
40 tímar. Undirvísingin verður í høvuðsheitum skipað við framløgum frá lærara og venjingum í tímanum.
Próvtøka
Próvtøkuháttur
Tvær fleirvalaroyndir (multiple choice) á 1 tíma hvør, ávikavist tíðliga og miðskeiðis í skeiðnum, telja 1/3. Skrivlig roynd á 4 tímar telur 2/3. Fortreyt fyri at sleppa til endaliga skrivliga roynd er, at tann lesandi hevur møtt til báðar fleirvalaroyndirnar og samanlagt, mett sum samlað sjálvstøðugt avrik, fingið minst 02. Tann lesandi hevur netatgongd og loyvi at hava alt tilfar frá undirvísing við til endaliga roynd.
Próvdøming (innanhýsis/uttanhýsis)
Uttanhýsis
Próvtalsstigi
7-talsstigin
Próvtøkudagur/dagar
Skrivliga próvtøkan er sett til 13. juni 2024.
Freist fyri frámelding til próvtøku
15. februar 2024
Ábyrgd og undirvísarar
Ábyrgd
Kristian Joensen
Undirvísarar
Jónas Tór Næs
Aftur