2843 - Keypi- og kravrættur
Skeiðsupplýsingar
- Heiti
- Keypi- og kravrættur
- Skeiðsnummar
- 2843.19
- Lestrarár
- 2022-2023
- ECTS
- 10,00
- Stig
- Bachelor
- Deildir
- Søgu- og samfelagsdeildin
- Útbúgvingar
- Bachelor í løgfrøði
- Fortreytir
- Miðnám ella samsvarandi førleiki.
- Undirvísingarmál
- Undirvíst verður á føroyskum. Lærubøkurnar eru á donskum, og annað undirvísingartilfar er á skandinaviskum, føroyskum og enskum. Framløgur, orðaskifti o.a.m. er á føroyskum.
- Tilmelding
- Lesandi á 4. lestrarhálvu í Bachelor í løgfrøði eru sjálvvirkandi tilmeldað. Stakgreinalesandi melda seg til skeiðið umvegis skrivstovuna á Søgu- og samfelagsdeildini.
- Byrjanardato
- 2. februar 2023
- Endadato
- 1. juni 2023
Fakligt innihald
- Endamál
- Endamálið við skeiðnum er at geva teimum lesandi vitan og førleikar, sum nærri lýst niðanfyri, í keypi- og kravrætti.
- Læruúrtøka
- Eftir lokið skeið skal lesandi vera før/ur fyri at: - Greiða frá týðandi keypi- og kravrættarligum grundhugtøkum og rættarreglum og innanhýsis samanhangi teirra. - Greiða frá atlitum aftanfyri og grundgrevingum fyri týðandi keypi- og kravrættarligum grundhugtøkum og rættarreglum. - Eyðmerkja keypi- og kravrættarligar trupulleikar í ítøkiligum málum og rættarósemjum. - Greina og meta um grundgevingar fyri og ímóti ymiskum loysnum á truplum keypi- og kravrættarligum málum og gera væl undirbygda niðurstøðu. - Miðla og orða vitan og grundgevingar innan keypi-og kravrætt fakliga og málsliga merkt av greiðari skipan og høpi.
- Innihald
- Skeiðið er deilt í tveir høvuðspartar, almenna kravrættin og keypirættin, har seinast nevndi er eitt av fleiri serstøkum rættarøkjum undir kravrætti. Almenni kravrætturin fevnir m.a. um: - Skuldabrævalógina. - Ymisk sløg av skuldabrøvum. - Peningakrøv og hvar og hvussu hesi skulu veitast, í hvørjari mongd, dygd og nær. - Mishald frá skuldarans og kravánarans síðu, so sum seinkan og manglar við veitingini. - Rættindi hjá skuldara og kravánara til at krevja rætta veiting í sambandi við mishald. - Heftan, ábyrgd og aftursókn (regres) - Kravánaraskifti og skuldaraskifti. - Mótrokning. - Deponering. - Rentu. - Fyrning. Keypirætturin fevnir m.a. um: - Keypilógina og keypiavtaluna. - Seljarans veitingarskyldu og brot á hesar, serliga manglar og seinkan og keyparans rætt í tí sambandi. - Mishald frá keypara og seljarans krøv og rættarstøðu í tí sambandi. - Nær ábyrgd av vøru fer frá seljara til keypara (”risikoens overgang”). - Brúkarakeyp.
- Læru- og undirvísingarhættir
- Umleið 40 tímar. Undirvísingin verður skipað sum fyrilestrar, studentaframløgur, kritiskt kjak og greining av ymiskum lestrarevnum.
Próvtøka
- Próvtøkuháttur
- Ein fleirvalaroynd miðskeiðis í skeiðnum telur 30%. Skrivlig roynd á 4 tímar telur 70%, tá skeiðið endar. Fortreyt fyri at fara til endaliga skrivliga roynd er, at fleirvalaroyndin er staðin, mett sum sjálvstøðugt avrik, og fortreytin fyri at standa skeiðið er, at eisini endaliga skrivliga royndin er staðin, mett sum sjálvstøðugt avrik. Eitt samlað próvtal verður givið fyri báðar partar av royndini.
- Próvdøming (innanhýsis/uttanhýsis)
- Innanhýsis
- Próvtalsstigi
- 7-talsstigin
- Próvtøkudagur/dagar
- Fleirvalaroyndin er sett til 13. apríl 2023, og skrivliga royndin er sett til 23. juni 2023.
- Freist fyri frámelding til próvtøku
- 16. februar 2023
Ábyrgd og undirvísarar
- Ábyrgd
- Bárður Larsen
- Undirvísarar
- Bárður Larsen