3191 - Jarðvísindi fyri verkfrøðingar
Skeiðsupplýsingar
Heiti
Jarðvísindi fyri verkfrøðingar
Skeiðsnummar
3191.24
Lestrarár
2024-2025
ECTS
7,50
Stig
Bachelor
Deildir
Náttúruvísindadeildin
Útbúgvingar
B.Sc. í verkfrøði
Fortreytir
B-støddfrøði, B-alisfrøði og C-evnafrøði
Undirvísingarmál
Undirvíst verður á føroyskum.
Tilmelding
Lesandi á 3. lestrarhálvu í B.Sc. í verkfrøði eru sjálvvirkandi tilmeldað. Stakgreinalesandi melda seg til skeiðið umvegis Lestrarskrivstovuni við at senda teldupost til lss@setur.fo
Byrjanardato
20. august 2024
Endadato
13. desember 2024
Fakligt innihald
Endamál
At geva tí lesandi innleiðslu í jarðvísindalig viðurskifti í Føroyum, her meint við jarðfrøðina og veðurfrøðina, og hvussu hesar hava ávirkan á verkfrøðilig viðurskifti. Dentur verður lagdur á hvussu jarðfrøðiligu viðurskiftini í Føroyum og veðurlæran kring oyggjarnar hevur ávirkan á verkfrøðilig viðurskifti. Umhvørvið verður á henda hátt lýst fysiskt, og viðurskifti, háttaløg og máttir verða viðgjørd bæði fyri føstu jørðina og lofthavið. Støði verður tikið í føroyska nærumhvørvinum og studentarnir skulu eisini á fakligar túrar í náttúruni. Við gestafyrilestrum frá verkfrøðingum ella øðrum serfrøðingum ið arbeiða við viðkomandi evnum fyri skeiðsgongdina verða evnini ítøkiliggjørd og dátusløg og kanningarhættir viðgjørdir.
Læruúrtøka
Eftir staðið skeið kann tann lesandi Jarðfrøði: o greiða frá og lýsa grundleggjandi eginleikar hjá mineralum og grótsløgum o greiða frá Føroya jarðfrøði, fláarøðini o grundleggjandi greiða frá um jarðfrøðiligar skrásetingar og kortgerð o greiða frá tæring og hvussu landslagið í Føroyum og jørðildi er blivið til o greiða frá um vatnringrásina og um grundvatni o Kenna til eitt úrval av viðkomandi jarðfrøðiligar kanningarhættir og nær hesir eiga at verða nýttir Veðurfrøði: o greiða frá gerð og útbreiðslu av lágtrýstum og tilhoyrandi brúgvaløgum o lýsa veðrið útfrá veðurkortum. o greiða frá ávirkanum av geografisku umstøðunum í Føroyum. o Hava kunnleika um klimanormar í føroyskum viðurskiftum o Greiða í stuttum frá aldum, teirra uppruna, og ávirkan á konstruktiónum á havi og nær við sjóvarmálan. o Kenna til vanligu mannagongdir í sambandi við bygging av størri og smærri konstruktiónum
Innihald
Partur 1: Jarðfrøði Mineral, grótsløg, gosgrýti, legugrýti, Føroya Jarðfrøði, rivur, gongdir, syllar, landslagið í Føroyum, tæring, jarðfrøðiligar skrásetingar og kort, jørðildi, vatn, grundvatn og kanningarhættir. Partur 2: Veðurfrøði Endamálið er at fáa eina grundleggjandi vitan um veðrið og veðurlagið í Føroyum, og hvørji atlit mugu takast til í sambandi við bygging av smærri og størri konstruktiónum. Lyklaorð: Skapan av veðurskipanum, tilhoyrandi synoptisk veðurfyribrigdir, vitan innan føroyska veðurlagið og klimanornar. Hartil lokal veðurfyribrigdir, so sum veðurfyribrigdir í fjallalendi, stabilitetur, føhn effekt, og vindprofilar. At enda, stutt innleiðsla í alduviðurskiftum og sjóvarfalli.
Læru- og undirvísingarhættir
Fyrilestrar, venjingar, uppgávur, kanningarferðir í føroysku náttúruni og framløgur.
Próvtøka
Próvtøkuháttur
Uppgávurnar í hvørjum evni skal vera staðið við í minsta lagi próvtalinum 4, fyri at sleppa til próvtøku. Síðani munnlig próvtøka, við 6 blandaðum spurningum (2 per evnið), per próvtøkuspurning.
Próvdøming (innanhýsis/uttanhýsis)
Uttanhýsis
Próvtalsstigi
7-talsstigin
Próvtøkudagur/dagar
Munnliga próvtøkan er sett til viku 2, 2025
Freist fyri frámelding til próvtøku
20. august 2024
Ábyrgd og undirvísarar
Ábyrgd
Bárður Joensen
Undirvísarar
Irena Áarberg, Andrias Klein Gregoriussen
Aftur