Skeiðsgongd

Skeiðsupplýsingar

Heiti: Stødd- og hagfrøði fyri lívfrøðingar
Skeiðsnummar: 3515.22
Lestrarár: 2024-2025
ECTS: 7,50
Stig: Bachelor
Deildir: Náttúruvísindadeildin
Útbúgvingar: B.Sc. í lívfrøði, B.Sc. í mýlalívsvísindum
Fortreytir: Miðnámsprógv við B-stigi í støddfrøði
Undirvísingarmál: Undirvíst verður á føroyskum. Undirvísingartilfar er á enskum og møguliga skandinaviskum og føroyskum. Uppgávur, orðaskifti o.a.m. er á føroyskum.
Tilmelding: Lesandi á 1. lestrarhálvu í B.Sc. í lívfrøði og B.Sc. í mýlalívsvísindum eru sjálvvirkandi tilmeldað. Stakgreinalesandi melda seg til skeiðið umvegis Lestrarskrivstovuni við at senda teldupost til lss@setur.fo
Byrjanardato: 30. august 2024
Endadato: 20. desember 2024

Fakligt innihald

Endamál: Endamálið við skeiðnum er, at at studenturin fær vitan um grundleggjandi støddfrøði og hagfrøði og nýtslu av hesum greinum innan lívfrøði.
Læruúrtøka: Eftir lokið skeið skal studenturin vera førur fyri at: • Greiða frá hugtøkunum populatiónsstøddfrøði og differenslíkningar, matrisur og eginvirði, populatión og sýnistøku, sannlíkindi og sannlíkindabýti, estimatión og statistisk test • Vísa á dømi um einføld støddfrøði- og hagfrøði-modell í lívfrøði og greiða frá variablum og parametrum í modellunum. • Gera útrokningar í modellunum og greina úrslitini í einum lívfrøðiligum høpi.
Innihald: Differenslíkningar. Logistiskur vøkstur og aðrar vakstrarkurvar. Matrisur. Invers matrisa, eginvirði og eginvektorar. Modell fyri aldursbólkar og sløg, rovdýr og fongdýr, kapping, symbiosa. Framrokning og afturrokning við matrisum og eginvektorum. Javnvágir, sveiggj og støðufesti. Hagfrøðilig grundhugtøk. Populatión, sýnistøka, viðgerð og framløga av data. Miðal- og spjaðingarmát. Grundleggjandi sannlíkindahugtøk og sannlíkindabýti. Normal-, binomial- og poissonbýti. Estimatión og konfidensinterval. Statistisk test. Tíddargreining. Korrelatión og einføld regressiónsgreining. Samanbera miðalmát. Uppgávur og venjingar við dømum úr lívfrøðini.
Læru- og undirvísingarhættir: Fyrilestrar og uppgávurokning.

Próvtøka

Próvtøkuháttur: Skrivlig próvtøka í fýra tímar, ið telur 75% í próvtalinum. Hjálparamboð loyvd, tó ikki samskiftisútgerð. Tilsamans seks innlatingar, har fýra tær fyrstu skulu góðkennast, og tvær tær síðstu telja 25% í próvtalinum.
Próvdøming (innanhýsis/uttanhýsis): Uttanhýsis
Próvtalsstigi: 7-talsstigin
Próvtøkudagur/dagar: Próvtøkan er sett til viku 2, 2025
Freist fyri frámelding til próvtøku: 30. august 2024

Ábyrgd og undirvísarar

Aftur