3523 - Fiskifrøði
Skeiðsupplýsingar
Heiti
Fiskifrøði
Skeiðsnummar
3523.22
Lestrarár
2024-2025
ECTS
7,50
Stig
Bachelor
Deildir
Náttúruvísindadeildin
Útbúgvingar
B.Sc. í lívfrøði
Fortreytir
Til stakgreinalestur krevst Miðnámsprógv við B-stigi í støddfrøði.
Undirvísingarmál
Undirvíst verður á føroyskum. Lesibøkurnar eru á føroyskum og enskum, og annað undirvísingartilfar er á føroyskum, enskum og møguliga skandinaviskum.
Tilmelding
Lesandi á 5. lestrarhálvu í B.Sc. í lívfrøði eru sjálvvirkandi tilmeldað. Stakgreinalesandi melda seg til skeiðið umvegis Lestrarskrivstovuni við at senda teldupost til lss@setur.fo
Byrjanardato
20. august 2024
Endadato
11. oktober 2024
Fakligt innihald
Endamál
At geva studentunum eina grundleggjandi lívfrøðiliga vitan um høvuðsvinnuna í Føroyum - fiskivinnuna. Í hesum er lívfrøðin hjá týdningarmestu fiskasløgunum, veiðihættir og stovnsmetingar.
Læruúrtøka
Eftir lokið skeið, skal tann lesandi vera før/ur fyri: • Lýs útsjóndina á fiski við hartil hoyrandi nøvnum og hugtøkum. • Greiða frá gøgnunum í fiski; hvar tey eru, bygnaði og hvussu tey virka. • Sjálvur at arbeiða, og at kenna til tað arbeiði og arbeiðsgongdirnar, sum regluliga verða gjørdar umborð á einum havnrannsóknarskipi. • Greiða frá hvørja ávirkan fiskiskapur hevur á fisk og umhvørvi. • Nýta og greiða frá teimum grundleggjandi hugtøkunum, sum verða nýtt innan fiskifrøði. • Gera eina stovnsmeting • Meta um hvønn búskaparligan týdning fiskiskapur hevur fyri samfelagið. • Meta um fiskiskapurin er burðardyggur.
Innihald
Skeiðið er býtt sundur í tveir høvuðspartar: fiskavistfrøði og stovnsmetingar. Parturin um fiskavistfrøði fevnir um morfologi, evolutión og fysiologi hjá fiski, navnagreining, føði, útbreiðslu, vøkstur, nøring, livihættir, fiskasamfeløg og hvørja ávirkan fiskiskapur hevur á vistskipanina. Parturin um stovnsmetingar er um, hvussu stovnsmetingar verða gjørdar: Innsavning av data, um framleiðslumodellir, áseting av ymiskum parametrum og at rokna smáfiskaúrtøka. Fyri at studentarnir skulu læra um stovnsmetingar til lítar, skulu teir sjálvir gera stovnsmetingar av einum fiskaslag. Hetta verður gjørt við útgangsstøði í givnum taltilfari. Arbeiðið verður dokumenterað í eini skrivligari frágreiðing, sum verður latin inn og er partur av próvtøkuni.
Læru- og undirvísingarhættir
Fyrilestrar, laboratoriuarbeiði, eina viku út við havrannsóknaskipi, og, út frá givnum taltilfari, at gera eina stovnsmeting.
Próvtøka
Próvtøkuháttur
• 3 tímar skrivlig próvtøka, uttan hjálpiamboð, sum telur 75% av samlaðu próvtøkuni. Innlating og munnlig próvtøka av skrivligari frágreiðing um stovnsmeting: Hendan telur 25 % av samlaðu próvtøkuni.
Próvdøming (innanhýsis/uttanhýsis)
Uttanhýsis
Próvtalsstigi
7-talsstigin
Próvtøkudagur/dagar
Próvtøkan er sett til viku 43, 2024
Freist fyri frámelding til próvtøku
20. august 2024
Ábyrgd og undirvísarar
Ábyrgd
Eyðfinn Magnussen
Undirvísarar
Eyðfinn Magnussen, Dánjal Petur Højgaard, Johnny í Grótinum
Aftur