3537 - Almenn lívfrøði
Skeiðsupplýsingar
Heiti
Almenn lívfrøði
Skeiðsnummar
3537.24
Lestrarár
2024-2025
ECTS
7,50
Stig
Bachelor
Deildir
Náttúruvísindadeildin
Útbúgvingar
B.Sc. í lívfrøði, B.Sc. í mýlalívsvísindum
Fortreytir
Miðnám
Undirvísingarmál
Undirvíst verður á føroyskum. Lærubókin er á enskum, og annað undirvísingartilfar verður møguliga á føroyskum, enskum og skandinaviskum. Uppgávur, orðaskiftik o.a.m. er á føroyskum.
Tilmelding
Lesandi á 1. lestrarhálvu í B.Sc. í lívfrøði og B.Sc. í mýlalívsvísindum eru sjálvvirkandi tilmeldað. Stakgreinalesandi melda seg til skeiðið umvegis Lestrarskrivstovuni við at senda teldupost til lss@setur.fo
Byrjanardato
29. august 2024
Endadato
19. desember 2024
Fakligt innihald
Endamál
At geva teimum lesandi eina grundleggjandi fatan av lívfrøði og náttúruni, alt frá evnafrøði til eina til fleir kyknu verur. Lesandi fer at læra, hvussu evolutiónin er eitt kjarnu tema í lívfrøðini, ið bæði kann greiða frá tí fjølbroytni, og tí líkheit vit síggja í lívinum á jørðini.
Læruúrtøka
Eftir lokið skeið, skal tann lesandi vera før/ur fyri at: • Greiða frá um hvønn týdning carbon hevur fyri molekylera fjølbroytni • Greiða frá um evnafrøðiligu eginleikarnir hjá vatnið og hvussu týdningarmikið tað er fyri lívið. • Greiða frá um kyknu bygna og funktión • Greiða frá um vanligu kyknudeilingina • Greiða frá um kynsligar lívsringrásir og kynskyknudeilingin • Greiða frá um Mendelsku genetikkina, DNA og arv • Greiða frá um evolutiónina og hvussu lívið hevur tilpassa seg við hjálp av evolutión og náttúrligu selektiónini • Lýsa bygnaðin av fylogenetiskum trøðum, og hvussu tey vísa ættarbond millum ymsu sløgini av lívið á jørðini • Skilja og kunna greiða frá um genetiskari evolutión • Greiða frá um virus • Greiða frá um prokaryotar og teirra evnið at tilpassa seg eitt broytandi umhvørvi • Lýsa og greiða frá um bæði einkyknu og fleirkyknu eukaryotar • Lýsa margfeldið av ryggleysum og ryggdjórum. • Greiða frá um vistfrøði • Lýsa og greiða frá um lívfrøðiligt margfeldi og samfeløg
Innihald
Leikluturin hjá evnafrøði í lívfrøðini, kyknulæra og genetiski grundsteinurin fyri lívið. Evolutión og Darwinistiska revolutiónin, lívsins træ, ein og fleirkyknu verur, bakteriir, virus, hvussu nýggj sløg blíva til. Nógvu ymsu stýrisháttirnir, ið eru neyðugir fyri at hava eina væl virkandi fleirkyknaða veru, lívfrøðiligt margfeldi, `life history traits´, populatiónir, samfeløg og vistskipanir, vistfrøði.
Læru- og undirvísingarhættir
Fyrilestrar, starvsstovu venjingar og uppgávur.
Próvtøka
Próvtøkuháttur
Skrivlig próvtøka í 4 tímar uttan hjálparamboð. Endurpróvtøka kann verða skipað á annan hátt (t.d. munnlig ella skrivlig)
Próvdøming (innanhýsis/uttanhýsis)
Uttanhýsis
Próvtalsstigi
Staðið/Ikki staðið
Próvtøkudagur/dagar
Skrivliga próvtøkan er sett til viku 1, 2025
Freist fyri frámelding til próvtøku
29. august 2024
Ábyrgd og undirvísarar
Ábyrgd
Anni Djurhuus
Undirvísarar
Anni Djurhuus, Marjun á Fríðriksmørk Berbisá, Agnes Kreiling
Aftur