5020 - Forritanarverkfrøði
Skeiðsupplýsingar
Heiti
Forritanarverkfrøði
Skeiðsnummar
5020.23
Lestrarár
2024-2025
ECTS
7,50
Stig
Bachelor
Deildir
Náttúruvísindadeildin
Útbúgvingar
B.Sc. í KT-verkfrøði, Diplom í web-menning
Fortreytir
Ynskiligar fortreytir: ein breið almenn vitan og búning í KTverkfrøði til dømis hava tikið: Innleiðing í teldufrøði, Teldunetverk og data samskifti, Innleiðandi forritan við python, Diskret støddfrøði, Databasur og SQL, Innleiðing í Web skipanir, Objektrættað forritan við Java 1, Algoritmur og datastrukturar, Objektrættað forritan við Java 2, Stýriskipanir.
Undirvísingarmál
Undirvíst verður á føroyskum. Lærubókin er á enskum, og annað undirvísingartilfar er á enskum, og møguliga føroyskum. Próvtøkur kunnu vera á føroyskum ella enskum.
Tilmelding
Lesandi á 3. lestrarhálvu á B.Sc. í KT-verkfrøði og 1. lestrarhálvu í diploma í web menning eru sjálvvirkandi tilmeldað. Stakgreinalesandi melda seg til skeiðið umvegis Lestrarskrivstovuni við at senda teldupost til lss@setur.fo
Byrjanardato
28. oktober 2024
Endadato
19. desember 2024
Fakligt innihald
Endamál
Endamálið við hesum skeiði er at fáa eitt gott innlit í forritanarverkfrøði, gera kanningar og menning innan evnið, og at gera eina skrivliga verkætlanarfrágreiðing um ein spælimotor, sum verður løgd fram og vard við munnligari próvtøku.
Læruúrtøka
Tá skeiðið er liðugt, skal tann lesandi kunna: - hættir og tøknir innan menning av skipanum - objektrætting, UML - skilja og greiða frá spælimotor-arkitekturi - íverkseta eina spælimotor-prototypu við brúk av hættum og tøknum, sum eru lærdir í hesum skeiði - sum einstaklingur, ella í bólki, skriva eina greiða, vælskipaða og væluppsetta (formliga stílsetta) verkætlanarfrágreiðing, sum gevur eina góða lýsing (skjalfesting) av gjørdu spælimotor-verkætlanini, umframt at seta (perspektivera) gjørda arbeiðið í ein størri samanhang innan t.d. nútíðar KT-menning, KT-íverkseting og/ella KT-gransking. - sum einstaklingur, leggja fram og munnliga verja skrivligu verkætlanarfrágreiðingina.
Innihald
Arbeiðshættir innan software menning og ymisk model fyri skipanar-menning, har ein spælimotorur verður brúktur sum gjøgnumgangandi dømi og uppgáva; við áherslu á góðsku, dokumentatión og amboð innan software menning: - software prosessir - agil software menning - kravfestingar-verkfrøði - system modellering - arkitekturur og design - design og implementering - forritað verður - software testing - software evolutión
Læru- og undirvísingarhættir
Fyrilestrar, venjingar og verkætlanar-arbeiði. Ein skrivlig verkætlanar-frágreiðing verður kravd, og skal hon vera góðkend fyri at sleppa til próvtøku í hesum skeiði.
Próvtøka
Próvtøkuháttur
- lesandi við góðkendum verkætlanum vera innstillaðir til eina munnliga einstaklinga-próvtøku, har verkætlanarfrágreiðingin hjá tí lesandi verður løgd fram og vard. Harumframt fær tann lesandi spurningar til próvtøkuna út frá undirvísingartilfarinum. Endaligt próvtal verður givið eftir eini heildarmeting av bæði skrivligum og munnligum avriki. - lesandi, sum ikki standa munnligu próvtøkuna, sleppa til endur-próvtøku. - lesandi, sum ikki fingu sína verkætlan góðkenda fáa próvtal 00/ikki staðið, og sleppa til endur-próvtøku, tá teir hava latið eina góðkenda verkætlan inn, sum kann vera ein rætting av upprunaligu verkætlanarfrágreiðingini.
Próvdøming (innanhýsis/uttanhýsis)
Uttanhýsis
Próvtalsstigi
7-talsstigin
Próvtøkudagur/dagar
Próvtøkuinnlatingin er tann 20. desember, 2024. Munnliga próvtøkan er sett til 6. og 7. januar, 2025
Freist fyri frámelding til próvtøku
28. oktober 2024
Ábyrgd og undirvísarar
Ábyrgd
Hilmar Simonsen
Undirvísarar
Aftur