5032 - Forritan til Android
Skeiðsupplýsingar
Heiti
Forritan til Android
Skeiðsnummar
5032.22
Lestrarár
2024-2025
ECTS
7,50
Stig
Bachelor
Deildir
Náttúruvísindadeildin
Útbúgvingar
B.Sc. í KT-verkfrøði
Fortreytir
30 ECTS í KT-verkfrøði við 22,5 ECTS í objektrættaðum málum so sum C++ og/ella Java.
Undirvísingarmál
Undirvíst verður á svenskum og á enskum. Lærubókin er á enskum, og annað undirvísingartilfar er á føroyskum og møguliga skandinaviskum og enskum. Próvtøkur kunnu vera á føroyskum, donskum ella enskum.
Tilmelding
Lesandi á 5. lestrarhálvu í B.Sc. í KT-verkfrøði eru sjálvvirkandi tilmeldað. Stakgreinalesandi melda seg til skeiðið umvegis Lestrarskrivstovuni við at senda teldupost til lss@setur.fo
Byrjanardato
4. november 2024
Endadato
17. januar 2025
Fakligt innihald
Endamál
Android er ein nýggjur opin plattformur fyri fartelefonir grundaður á Linux og við Google sum ein av drívandi mennarunum. Skeiðið gevur tær ástøðiligan kunnleika um platformin og teir lutir sum tilsamans mynda stýriskipanina í Android, umframt praktiskan kunnleika til at menna og íverkseta applikatiónir til Android.
Læruúrtøka
Tá skeiðið er liðugt skal tann lesandi kunna: - gera grein fyri hvussu lutirnir sum mynda stýriskipanina í Android virka, og forklára lívsringrásina fyri applikatiónir í Android, - gera grein fyri hvussu lutirnir sum mynda stýriskipanina í Android virka, og forklára lívsringrásina fyri applikatiónir í Android, - brúka Android Studio til at menna applikatiónir til Android, sum brúkarin kann nýta umvegis eina grafiska brúkaraflatu, - goyma data lokalt á fartelefonini við hjálp av innstillingum, fílum og databasum, - brúka dátur úr einum REST API, - vísa staðsetingina av einari eind á einum korti.
Innihald
- bygnaðurin av Android plattforminum (Linux kernel, Libraries, Android runtime, Application framework, Applications), - gjøgnumgongd av Android Software Development Kit, - menningaramboð til Android, - lívsringrásin fyri eina applikatión í Android, - vanligir byggisteinar (Activites, Views, Intents, Intent Receivers, Services, Content Providers), - trygd og rættindi í Android, - design og íverkseting av grafiskum brúkaraflatum við brúk av XML, - 2D-grafikkur og eginmenning av GUI-komponentum, - nýtsla av ljóð í applikatiónum, - goymsla av data (Preferences, Files, Databases), - brúk av web tænastum (REST APIs) í einari app, - APIs til stað- og kort-grundaðar tænastur.
Læru- og undirvísingarhættir
Fjarlestur frá Mittuniversitetet, Svøríki: DT031G Applikationsutveckling för Android / DT031G Application Development for the Android Platform
Próvtøka
Próvtøkuháttur
Góðkendar (staðið/ikki-staðið) innlatingar telja 4,5 ECTS (I106: 0,5 ECTS + L106: 4,0 ECTS), og ein verkætlan telur 3 ECTS (P106), sum verður dømd eftir ECTS-skalanum til endaligt próvtal fyri skeiðið.
Próvdøming (innanhýsis/uttanhýsis)
Uttanhýsis
Próvtalsstigi
Staðið/Ikki staðið
Próvtøkudagur/dagar
Próvtøkan er sett til viku 3
Freist fyri frámelding til próvtøku
4. november 2024
Ábyrgd og undirvísarar
Ábyrgd
Hannes Gislason
Undirvísarar
Aftur