5039 - Objektrættað forritan við Java 1
Skeiðsupplýsingar
- Heiti
- Objektrættað forritan við Java 1
- Skeiðsnummar
- 5039.24
- Lestrarár
- 2024-2025
- ECTS
- 7,50
- Stig
- Bachelor
- Deildir
- Náttúruvísindadeildin
- Útbúgvingar
- B.Sc. í KT-verkfrøði, Diplomútbúgving í KT-verkfrøði
- Fortreytir
- • 5010 Innleiðing í teldufrøði • 5037 Innleiðandi forritan við Python
- Undirvísingarmál
- Undirvíst verður á donskum og enskum.
- Tilmelding
- Lesandi á 2. lestrarhálvu á B.Sc. í KT-verkfrøði og Diplom í web menning eru sjálvirkandi tilmeldaði. Stakgreinalesandi melda seg til skeiðið umvegis Lestrarskrivstovuna.
- Byrjanardato
- mánadagur, 24. mars 2025
- Endadato
- fríggjadagur, 30. mai 2025
Fakligt innihald
- Endamál
- Endamálið við skeiðinum er at geva eina innleiðing í objektgrundað hugtøk og objektgrundaða forritan við kravfesting, verkseting og brúk av klassum í Java. Áherðsla er á klassahugtakið og á nýtslu av objektum. Lært verður eisini um brúk av dynamiskum minni, referansum og rekursión; og um vanligar abstraktar datatypur. UML-modelmálið verður lýst innleiðandi.
- Læruúrtøka
- Eftir skeiðslok skal lesandi vera før/ur fyri at: • Lýsa og brúka vanligastu amboðini ið eru í Java meningarumhvørvinum (Java Development Kit, JDK). • Greiða frá muninum millum koyring av konventionellum forritum og Java forritum í serliga Java umhvørvinum. • Brúka Java á grundleggjandi hátt, herundir brúka variablar, metodur, klassar, objektir, undantøk og einfaldar lista-strukturar. • Lýsa sambandið millum støðuna á einum objekti og tess atburði. • Lýsa klassahieraki og -arv. • Brúka polymorfismu við klassasubstititutión. • Brúka objektorienteraðar forritanarhættir til at loysa serligar uppgávur. • Sjálvstøðugt lýsa royndir av egnum klassum, og tilhoyrandi metodum. • Lýsa grundleggjandi klassadesign og týdningin av at halda sterkan samanhang við veikum bundinskapi. • Brúka feil- og undantakshandfaring. • Lýsa merkingina av stødding (scalability) • Brúka iteratiónir, rekursión, metodu-ovurløðing og undantakshandfaring. • Skapa forrit har loysnin verður deild upp í einfaldar partar við klassum og metodum. • Lýsa og implementera klassar og gera samsvarandi klassadiagram í UML. • Tilskila og implementera ein vanligan abstraktan datastruktur sum ein klassa og brúka hann. • Brúka objekt av øðrum typum sum datalimir í einum klassa. • Brúka referansur í praktiskari forritan og í sambandi við brúk av dynamiskum minni. • Lýsa, greina og gangnýta munir og líkheitir ímillum referansur (by reference) og virði (by value). • Lýsa munin ímillum djúpa og grunna kopiering, og kunna umbroyta kodu í hesum sambandi.
- Innihald
- • Objektorienterað hugtøk: Klassar, limir, objektir, attributtar, referansur, operatiónir, instansur, arvur, íhylking, polymorfisma, relatiónir, v.m. • Kravfesting og implementering av klassum í Java. • Kontrolstrukturar, streymar og fílhandfaring. • Abstraktión og felags markamót. • IO-handfaring, undantøk. • Vanligar iteratiónir og rekursivar algoritmur. • Egnar implementeringar av sorterings- og leitingar-algoritmum. • UML-diagram fyri klassar. • Test við JUnit – unit tests og black/white box testing
- Læru- og undirvísingarhættir
- Fyrilestrar, uppgávuarbeiði, og verkætlanararbeiði við sjálvlestri og bólkaarbeiði. Eisini eru kravdar innlatingar, ið skulu vera mettar til ”staðið”, fyri at sleppa til próvtøku.
Próvtøka
- Próvtøkuháttur
- Verkætlan við munnligari verju.
- Próvdøming (innanhýsis/uttanhýsis)
- Uttanhýsis
- Próvtalsstigi
- 7-talsstigin
- Próvtøkudagur/dagar
- Próvtøkuinnlatingin er 30. mai, 2025. Munnliga próvtøkan er sett til 16. og 17. juni, 2025. Endurpróvtøkan verður í viku 33-34, 2025
- Freist fyri frámelding til próvtøku
- mánadagur, 24. mars 2025
Ábyrgd og undirvísarar
- Ábyrgd
- Niels-Christian Borbjerg
- Undirvísarar
- Niels-Christian Borbjerg