5041 - Designmynstur við Java
Skeiðsupplýsingar
Heiti
Designmynstur við Java
Skeiðsnummar
5041.24
Lestrarár
2023-2024
ECTS
7,50
Stig
Bachelor
Deildir
Náttúruvísindadeildin
Útbúgvingar
B.Sc. í KT-verkfrøði, Diplom í web-menning
Fortreytir
Objektrættað forritan við Java (Java 2), ella øðrum OOP forritanarmáli.
Undirvísingarmál
Undirvíst verður á føroyskum og enskum.
Tilmelding
Lesandi á 4. lestrarhálvu í B.Sc. í KT-verkfrøði eru sjálvvirkandi tilmeldað. Stakgreinalesandi melda seg til skeiðið umvegis skrivstovuna á Náttúruvísindadeildini við at senda ein teldupost til NVD@setur.fo.
Byrjanardato
16. januar 2024
Endadato
8. mars 2024
Fakligt innihald
Endamál
At geva eina innleiðing í objekt-rættaðar grundreglur og designmynstur. Designmynstur eru væl testaðar loysnir til vanligar avbjóðingar innan menning av ritbúnaði. Tey eru at meta sum "best practices" til loysnir av vanligum design-uppgávum, sum endurtaka seg aftur og aftur. At brúka designmynstur snýr seg millum annað um at endurnýta kodu og design. Hetta tryggjar betri góðsku og burðardygd í samband við menning av nýggjum skipanum og leggur upp til, at tað skal vera lættari at dagføra, víðarimenna, og røkja skipanir í framtíðini.
Læruúrtøka
Tá skeiðið er liðugt skal tann lesandi vera før/ur fyri at: - eyðmerkja og lýsa eitt tvísiffrað tal av teimum mest vanligu designmynstrunum, - greiða frá nær og hvussu tey kunnu brúkast til at loysa vanligar avbjóðingar innan designmynstur, - tulka grafiskar lýsingar av designmynstrum í UML, - velja og grundgeva fyri vali av designmynstri til eina lýsta designavbjóðing, - tillaga designmynstur til aktuellar applikatiónir, - verkseta viðgjørd designmynstur í Java.
Innihald
- Objektrættaði hugtøk, samband ímillum typur, markamót og klassar, - UML-skrivihættir, - Bólkar av designmynstrum, - Vanlig designmynstur frá teimum ymisku bólkunum, - Verksetan av designmynstrum í Java, - SOLID prinsippini sum varðar á vegnum til góðan forritanarsið.
Læru- og undirvísingarhættir
Fyrilestrar, dømir, venjingar, og heimauppgávur.
Próvtøka
Próvtøkuháttur
Kravdar innlatingar sum verða dømdar staðið/ikki staðið og ein skrivlig próvtøka, sum verður dømd eftir 7-talsstiganum til endaligt próvtal fyri skeiðið. Gev gætur: Allar innlatingarnar skulu latast inn til avtalaðar tíðir og vera góðkendar fyri at kunna innskrivast til próvtøkuna.
Próvdøming (innanhýsis/uttanhýsis)
Uttanhýsis
Próvtalsstigi
7-talsstigin
Próvtøkudagur/dagar
Skrivliga próvtøkan er sett til 14. mars 2024.
Freist fyri frámelding til próvtøku
16. januar 2024
Ábyrgd og undirvísarar
Ábyrgd
Hilmar Simonsen
Undirvísarar
Bartal Johnsen Clementsen
Aftur