5710 - Dátutrygd
Skeiðsupplýsingar
Heiti
Dátutrygd
Skeiðsnummar
5710.24
Lestrarár
2024-2025
ECTS
7,50
Stig
Master
Deildir
Náttúruvísindadeildin
Útbúgvingar
M.Sc. í dátuvísindum
Fortreytir
Ynskiligt: KT-trygd frá BSc í KT-verkfrøði, ella annað tilsvarandi skeið innan KT-trygd.
Undirvísingarmál
Undirvíst verður á føroyskum, donskum og enskum.
Tilmelding
Lesandi á 3. lestrarhálvu í M.Sc. í dátuvísindum eru sjálvvirkandi tilmeldað. Stakgreinalesandi melda seg til skeiðið umvegis Lestrarskrivstovuni við at senda teldupost til lss@setur.fo
Byrjanardato
29. oktober 2024
Endadato
19. desember 2024
Fakligt innihald
Endamál
At geva eina breiða innleiðing í Dátutrygd á masterstigi, sum grundarlag fyri serskeiðum (valskeiðum/verkætlanum) innan KT-trygd.
Læruúrtøka
Eftir staðið skeið skalt tú sum lesandi kunna: - greiða frá týdningarmestu hugtøkum innan dátutrygd, og greina hvussu hesi ávirkast av tilgjørt vit tøknini. - greiða frá dulmálsvísindi, og greina hvussu dulmálsvísindi ávirkast av kvantu-teldutøkni. - greiða frá viðkomandi fyriskipanum, mannagongdum og amboðum innan dátutrygd. - greiða frá og greina dátutrygdarspurningar lýstir í kravdum avrikum.
Innihald
Skeiðir byggir víðari á grundleggjandi KT-trygd, sum tey KT-verkfrøði lesandi hava haft á bachelorstigi. Skeiðið greinar og dagførir trygdarhugtøk og trygdarváðar frá m.a. kollveltingini innan tilgjørt vit og menningini av kvantu-teldutøkni, umframt at geva innlit í fyriskipanir, mannagongdir og amboð innan KT-trygd. Skeiðið inniheldur greining og kjak av: • trygdarhugtøkum: trúnaður (confidentiality), integritetur, trúvirði (authenticity), tøki (availability), við denti á avbjóðingum og møguleikum við nýggju tilgjørt vit tøknini. • dulmálsvísindi (cryptography), við denti á avbjóðingum og møguleikum við nýggju kvantu-teldutøknini (quantum cryptography). • direktivum og mannagongdum fyri dátutrygd við ásetingum um, til dømis: - politikk fyri dátutrygd, trygd av skipanum, og váðametingar av kritiskum skipanum. - starvsfólka-atgongd, ábyrgd og upplæring. - handfaring av trygdarbrotum og kreppustýring. - nútíðaramboð at greina og seta í verk eina trygdarskipan.
Læru- og undirvísingarhættir
Fyrilestrar, kjak, bólkaarbeiði og kravd avrik grundað á ymiskt undirvísingartilfar, so sum vísindaligar greinar, og fyriskipanir fyri dátutrygd. Kravd avrik kann vera innlatingar, og/ella framløgur, sum greina dátutrygdarspurningar.
Próvtøka
Próvtøkuháttur
Munnlig einstaklingapróvtøka (telur 100%) uttan fyrireikingartíð við støði í undirvísingartilfari og kravdum avrikum. Fyri at sleppa til próvtøku skal tann lesandi hava staðið øll kravd avrik til ásettar tíðarfreistir. Endurpróvtøka og sjúkraroynd vera skipað eftir sama leisti, sum próvtøkan.
Próvdøming (innanhýsis/uttanhýsis)
Uttanhýsis
Próvtalsstigi
7-talsstigin
Próvtøkudagur/dagar
Próvtøkan er sett til 9. og 10. januar, 2025
Freist fyri frámelding til próvtøku
29. oktober 2024
Ábyrgd og undirvísarar
Ábyrgd
Hannes Gislason
Undirvísarar
Aftur