5720 - Støddfrøðiligt grundarlag til tilgjørt vit
Skeiðsupplýsingar
- Heiti
- Støddfrøðiligt grundarlag til tilgjørt vit
- Skeiðsnummar
- 5720.24
- Lestrarár
- 2024-2025
- ECTS
- 7,50
- Stig
- Master
- Deildir
- Náttúruvísindadeildin
- Útbúgvingar
- M.Sc. í dátuvísindum
- Fortreytir
- Grundleggjandi vitan um differential og integral rokning, líkindi og geometriskar vektorar í tveimum og trimum dimensiónum.
- Undirvísingarmál
- Undirvíst verður á føroyskum og enskum.
- Tilmelding
- Lesandi á 3. lestrarhálvu í M.Sc. í dátuvísindum eru sjálvirkandi tilmeldað. Stakgreinalesandi melda seg til skeiðið umvegis Lestrarskrivstovuna.
- Byrjanardato
- týsdagur, 27. august 2024
- Endadato
- hósdagur, 12. desember 2024
Fakligt innihald
- Endamál
- Hetta skeiðið hevur sum endamál at geva tí lesandi neyðugu tólini til at tulka úrslit, sum verður framleidd undir dátagreining. Skeiðið fevnir tískil um høvuðshugtøk og arbeiðsháttir frá lineer algebra, differential kalkulus (infinitesimalrokning) og líkinda ástøði.
- Læruúrtøka
- Tá skeiðið er at enda komið, skal tann lesandi kunna: • Brúka matrixrokning og Gauss eliminatión. • Analysera og greiða frá loysningsmongdum hjá líkningaskipanum. • Greina og greiða frá lineera strukturinum í loysnarmongdum í vektorrúmum. • Nýta lineerar avmyndanir millum generel vektorrúm. • Rokna analytiskar eginleikar hjá vektorum. • Kanna eginleikar hjá matricur og fremja matrix dekompositión. • Nýta infinitesimalrokning í fleiri variablum. • Greiða frá líkindum í diskretum og kontinuertum variablum. • Rokna við líkindafunktiónum og tættleikafunktiónum. • Optimeringshættir, millum annað gradient descent.
- Innihald
- o Líkningaskipanir og loysnir. o Vektorar og matricur. o Vektorrúm, normar og innara produkt. o Lineerar avmyndanir og teirri eginleikar. o Spektralsetningurin og matrix dekompositión. o Infinitesimalrokning: grensuvirði, kontinuitetur, differentialrokning í fleiri variablum, gradientar og optimering. o Almenn og víðarigangandi líkindaástøði til maskinlæring: líkindarúm og líkindi, sum og produkt reglu, Bayesa teorem og normalfordeilingin.
- Læru- og undirvísingarhættir
- Fyrilestrar og uppgávurokning (80 tímar). Sjálvstudium og tríggjar skrivligar innlatingar (126 tímar).
Próvtøka
- Próvtøkuháttur
- 4-tímar skrivlig próvtøka. Elektroniskir hjálparmiðlar eru ikki loyvdir. Innlatingarnar skulu standast fyri at fara til próvtøku. Endurpróvtøkan hevur sama format.
- Próvdøming (innanhýsis/uttanhýsis)
- Uttanhýsis
- Próvtalsstigi
- 7-talsstigin
- Próvtøkudagur/dagar
- Skrivliga próvtøkan verður í viku 2, 2025.
- Freist fyri frámelding til próvtøku
- týsdagur, 27. august 2024
Ábyrgd og undirvísarar
- Ábyrgd
- Mortan Janusarson Thomsen
- Undirvísarar
- Mortan Janusarson Thomsen