6106 - ES - rættur
Skeiðsupplýsingar
- Heiti
- ES - rættur
- Skeiðsnummar
- 6106.25
- Lestrarár
- 2024-2025
- ECTS
- 10,00
- Stig
- Master
- Deildir
- Søgu- og samfelagsdeildin
- Útbúgvingar
- Embætisprógv í lóg (Emb.L.), M.A. í løgfrøði
- Fortreytir
- Bachelor prógv ella samsvarandi við nóg mikið av løgfrøði
- Undirvísingarmál
- Føroyskt
- Tilmelding
- Sjálvvirkandi fyri fulltíðarlesandi. Stakgreinalesandi umvegis lestrarskrivstovuna lss@setur.fo
- Byrjanardato
- fríggjadagur, 7. februar 2025
- Endadato
- týsdagur, 27. mai 2025
Fakligt innihald
- Endamál
- Endamálið við skeiðnum er at geva tí lesandi innlit í ES-rætt og ES-stovnar við serligum atliti til teir partar av ES-rætti, sum eru týðandi fyri Føroyar sum samstarvspartur við ES. Millum hesi eru serliga tey fýra frælsini eins og tær serstøku avtalur, sum eru gjørdar millum Føroyar og ES.
- Læruúrtøka
- Eftir lokið skeið skal lesandi vera før/ur fyri at: - Lýsa grundleggjandi hugtøk og keldur í ES-rætti. - Lýsa stovnar undir ES, endamál og virki teirra. - Meta um rættarligar spurningar millum ES og Føroyar. - Greina rættarkeldur og tulkingarhættir hjá ES-dómstólinum og týdningin av ítøkiligum úrskurðum hjá ES-dómstólinum um tey fýra frælsini. - Eyðmerkja rættarspurningar og ymiskar faktiskar umstøður, í ymiskum høpi, viðkomandi fyri ES-rætt. - Meta kritiskt um og skjóta upp ymiskar loysnir fyri ymiskar ES-rættarligar trupulleikar. - Miðla og orða vitan og grundgevingar á fakliga og málsliga góðan og rættan hátt.
- Innihald
- Skeiðið fevnir um hesi høvuðsevni: - Søguligt bakstøði og uppruna til ES. - ES-sáttmálarnar, og hvussu hesir eru mentir gjøgnum tíðina. - Danska grundlógin og grundleggjandi náttúran í ES-skipanini. - ES-stovnar og virki teirra: Europeiska Ráðið, Ráðharraráðið, ES-nevndina, ES-tingið og ES-dómstólin. - ES-lóggávutilgongdina og rættarkeldur í ES-rætti. - Sekundera lóggávu sum fyriskipanir og direktivir. Almenn rættarprinsipp. - Serstakar avtalur, sum gjørdar eru millum Føroyar og ES. - Sambandið millum ES-rætt og innlendis rætt, bæði alment, men eisini, og serliga, sambandið millum ES-rætt og føroyskan rætt. - Tey fýra frælsini, sum skipa felags marknaðin. - EBS og sambandið við ES. - Europeiska dómstólin: Tulking og hátt at skriva úrskurðir. Útvald mál
- Læru- og undirvísingarhættir
- Umleið 40 tímar undirvísing á staðnum. Undirvísingin verður skipað sum fyrilestrar, kritiskt kjak, bólkaarbeiði og studentaframløgur og á annan aktivan hátt við tí lesandi í miðdeplinum.
Próvtøka
- Próvtøkuháttur
- Skrivlig roynd á 4 tímar, tá skeiðið endar. Lesandi hava rætt til at hava alt tilfar frá skeiðnum við til royndina. Tó er ongin internetatgongd, og brot á hesa fyriskipan er burturvísingargrund.
- Próvdøming (innanhýsis/uttanhýsis)
- Innanhýsis
- Próvtalsstigi
- 7-talsstigin
- Próvtøkudagur/dagar
- Endaliga próvtøkuuppgávan verður skriva í døgunum 11 juni kl 9.00 til 13 juni kl. 9.00
- Freist fyri frámelding til próvtøku
- mánadagur, 27. januar 2025
Ábyrgd og undirvísarar
- Ábyrgd
- Kristian Joensen
- Undirvísarar
- Elisabeth Fransiska Rasmussen, Bárður Larsen, Kristian Joensen