6119 - Masterritgerð í lóg.
Skeiðsupplýsingar
Heiti
Masterritgerð í lóg.
Skeiðsnummar
6119.23
Lestrarár
2023-2024
ECTS
30,00
Stig
Master
Deildir
Søgu- og samfelagsdeildin
Útbúgvingar
M.A. í løgfrøði
Fortreytir
Masterritgerðin (MA ritgerðin) skal góðkennast av útbugvingarleiðaranum seinast við byrjan av 4. lestrarhálvu. Samstundis sum lesandi fáa evnið góðkent, vísir útbúgvingarleiðarin teimum á hóskandi vegleiðara. MA ritgerðin skal skrivast einstaklingavís og á føroyskum máli, tó við úrdrátti á enskum. Útbúgvingarleiðarin kann gera undantak frá kravinum um føroyskt mál. Ritgerðin skal latast inn seinast 15. mai í 4. lestrarhálvu kl. 12.00. Fellur 15. mai á leygardag ella sunnudag, er freistin somu tíð mánadagin eftir. MA ritgerðin skal vera í mesta lagi 60 síður (144.000 tekin við gloppum og fótnotum). Treyt fyri at lata MA ritgerð inn er, at lesandi hava staðið øll skeið fram til og íroknað 3. lestrarhálvu.
Undirvísingarmál
Undirvíst verður á føroyskum.
Tilmelding
Lesandi á M.A. í løgfrøði í lóg eru sjálvvirkandi tilmeldað.
Byrjanardato
1. februar 2024
Endadato
1. mai 2024
Fakligt innihald
Endamál
Endalig ritgerð (verkætlan) á Master í løgfrøði.
Læruúrtøka
Við MA ritgerðini væntast tann lesandi at: - vísa evni til at orða ein greiðan spurdóm knýttan at valda evninum. - vísa evni til savna allar týðandi rættarkeldur og bókmentir, ið eru viðkomandi fyri valda evnið. - at prógva evni til at greiða frá og grundgeva fyri vali av háttalagi. - at vísa evni til at fremja ritverkið á ein samanhangandi, skipaðan hátt, har tað er góður samanhangur og javnvág millum spurdóm, avmarking, ætlan (dispositión), greinan og niðurstøðu. - at miðla teirra vitan og grundgevingar á skipaðan og samanhangandi hátt við einum greiðum og røttum máli, ið prógvar tilvitan um, at – og hvar – føroyskt er á einum menningarstigi fram ímóti at gerast eitt akademiskt-løgfrøðiligt mál.
Innihald
Evni verður valt av tí lesandi og góðkent av útbúgvingarleiðaranum. Evnið skal helst liggja innanfyri tey evni, sum undirvíst hevur verið í á bachelor og MA, men útbúgvingarleiðarin kann, um tað verður hildið rímiligt og hóskandi, gera frávik og góðkenna onnur evni.
Læru- og undirvísingarhættir
Vegleiðing. Í mesta lagi 10 tímar vegleiðing verða bjóðaðir hvørjum lesandi.
Próvtøka
Próvtøkuháttur
Próvdøming grundað á skrivliga verkið. Í sambandi við próvdøming verður dentur ikki einans lagdur á innihald, men (í tann mun hesi kunnu skiljast hvørt frá øðrum) á skriving.
Próvdøming (innanhýsis/uttanhýsis)
Uttanhýsis
Próvtalsstigi
7-talsstigin
Próvtøkudagur/dagar
Ritgerðin verður latin inn 1. juni 2024.
Freist fyri frámelding til próvtøku
15. februar 2024
Ábyrgd og undirvísarar
Ábyrgd
Bárður Larsen
Undirvísarar
Aftur