6328 - Smátjóðir og altjóða Politikkur
Skeiðsupplýsingar
Heiti
Smátjóðir og altjóða Politikkur
Skeiðsnummar
6328.24
Lestrarár
2023-2024
ECTS
10,00
Stig
Master
Deildir
Søgu- og samfelagsdeildin
Útbúgvingar
M.S.Sc. í samfelagsvísindum og stjórnmálafrøði, M.A. í søgu
Fortreytir
BA-stig í samfelagsvísindi / stjórnmálafrøði (ella samsvarandi førleikar)
Undirvísingarmál
Undirvíst verður á Føroyskum og enskum.
Tilmelding
Lesandi á 2. lestrarhálvu í M.S.Sc. í samfelagsvísundum og stjórnmálafrøði eru sjálvvirkandi tilmeldað. Lesandi á aðru lestrarhálvu í M.A. í søgu og stakgreinalesandi melda seg til skeiðið umvegis skrivstovuna á Søgu og Samfelagsdeildini.
Byrjanardato
30. januar 2024
Endadato
30. apríl 2024
Fakligt innihald
Endamál
Endamálið við skeiðnum er at veita lesandi yvirlit yvir teoretiska og empiriska gransking um avbjóðingar og møguleikar hjá smátjóðum og ikki-suverenum eindum í altjóða politikki og altjóða viðurskiftum. Við Føroyum sum empiriskum útgangsstøði er endamálið at geva lesandi analytisk og vísindalig amboð til at greina og tulka avbjóðingar og møguleikar hjá smátjóðum í 21. øld og at skilja søguliga bakgrund fyri aktuellum viðurskiftum.
Læruúrtøka
Tá skeiðið er liðugt, skulu lesandi vera før fyri at: - Lýsa avbjóðingar og møguleikar hjá smátjóðum og ikki-statsligum eindum í altjóða politikki - Greiða frá sentralum teoretiskum hugtøkum og rákum í altjóða politikki og leiklutin hjá smátjóðum og smáum aktørum ígjøgnum hesar teoriir - Greina nær og hví smátjóðir trívast og vaksa í altjóða skipanini - Tulka hvørji atferðarmynstur eru tengd at smátjóðum, og hví smátjóðir bera seg at, sum tær gera - Eyðmerkja diplomatiskar strategiir hjá smátjóðum og ikki-suverenum aktørum í samráðingum og fyri at ávirka altjóða politikk - Brúka teoretisk hugtøk í greiningum av støðum og evnum frá tí politiska veruleikanum
Innihald
Innihaldið í hesum skeiðnum viðger leiklutin hjá smátjóðum og ikki-suverenum eindum í altjóða politikki, og skeiðið viðger soljóðandi spurningar: Hvat er ein lítil statur ella ein ikki-suveren politisk eind? Hava stór lond, smá lond og ikki-suveren lond ymiska atferð og avbjóðingar? Hvørja ávirkan hava smá lond og ikki-suverenar eindir í altjóða samfelagnum? Við støði í smátjóðum veitir skeiðið teoretisk amboð at greina hesar spurningar, og við Føroyum sum empiriskum útgangsstøði greinar skeiðið møguleikar og avmarkingar hjá smátjóðum og ikki-suverenum eindum í 21. øld.
Læru- og undirvísingarhættir
Fyrilestrar, kjak, framløgur hjá lesandi, vitjanir til viðkomandi almennar stovnar og privatar fyritøkur.
Próvtøka
Próvtøkuháttur
Skrivlig heimauppgáva í tveimum. Báðar uppgávur telja helvtina av samlaða próvtalinum. Fyri at kunna lata inn seinnu uppgávuna skal hin lesandi standa fyrru uppgávuna. Um ein lesandi ikki stendur skeiðið, skal hann/hon lata inn báðar uppgávurnar til endurpróvtøkuna.
Próvdøming (innanhýsis/uttanhýsis)
Innanhýsis
Próvtalsstigi
7-talsstigin
Próvtøkudagur/dagar
Skrivliga próvtøkan er sett til 21. mai 2024
Freist fyri frámelding til próvtøku
13. februar 2024
Ábyrgd og undirvísarar
Ábyrgd
Heini í Skorini
Undirvísarar
Robert Joseph Imre, Heini í Skorini
Aftur