6330 - Føroysk kirkjusøga í 18. øld
Skeiðsupplýsingar
- Heiti
- Føroysk kirkjusøga í 18. øld
- Skeiðsnummar
- 6330.22
- Lestrarár
- 2024-2025
- ECTS
- 10,00
- Stig
- Master
- Deildir
- Søgu- og samfelagsdeildin
- Útbúgvingar
- Ískoytisútbúgving í føroyskum kirkjukunnleika
- Fortreytir
- BA í søgu ella samsvarandi útbúgving og arbeiðsroyndir. Skeiðið svarar til skeið nummar 2457.20, sum serliga er ætlað prestum í fólkakirkjuni og lesandi, sum útbúgva seg til hetta starv og hava lokið bachelorprógv í gudfrøði.
- Undirvísingarmál
- Føroyskt
- Tilmelding
- Sjálvvirkandi fyri fulltíðarlesandi. Stakgreinalesandi umvegis lestrarskrivstovuna lss@setur.fo
- Byrjanardato
- fríggjadagur, 7. februar 2025
- Endadato
- fríggjadagur, 9. mai 2025
Fakligt innihald
- Endamál
- Tann lesandi fær yvirlit yvir føroyska kirkjusøgu og serligt innlit í eitt valt tíðarskeið.
- Læruúrtøka
- Tey lesandi skulu: • eyðmerkja og skilja ímillum tey stóru rákini í teimum luthersku kirkjunum serliga í 18. øld og meta um tað árin, hesi rák hava havt á føroyskt trúarlív • vísa, at tey eru før fyri at arbeiða sjálvstøðugt við ymiskum átrúnaðarligum tekstasløgum og nýta tey kritiskt sum kirkjusøguligt keldutilfar • lýsa føroyska gudstrúgv við dømum úr frásagnum og átrúnaðarligum skaldskapi • viðgera bæði stríð og samstarv millum kirkjuligar myndugleikar og embæti øðrumegin og tað virkna leikfólkið hinumegin • taka støðu til ta luthersku prædikuna sum livandi orð av prædikustólinum ella endurtøku í lestri og vísa á fyrimunir og vansar við hesum báðum sløgum av boðan
- Innihald
- Skeiðið fer at varpa ljós á tær báðar stóru rørslurnar í 18. øld, pietismu og upplýsingartíð, sum trúarrák og politiskar stevnur. Spurt verður, hvørja ávirkan tær fingu á tað kristna, vesturlendskan samfelagið og serliga á trúar- og kirkjulív her á landi. Evni verða eitt nú: -kirkjur: bygningar, roknskapir og guðstænastuskipanir -lesiførleiki, undirvísing og skúlaskapur -prestar og leikfólk -fólkslig trúgv og siðvenja -lesnaður og boðan: lestrabøkur, læribøkur, sálmabøkur Skift verður millum kirkjusøgulig og trúarfrøðilig yvirlit og keldur, sum skulu greinast, tulkast, samanberast og setast inn í mentanarsøguligan og átrúnaðarligan samanhang.
- Læru- og undirvísingarhættir
- Undirvíst verður 12 x 3 tímar, lagað eftir kirkjuárinum og arbeiðsbyrðu prestanna. Undirvísingin verður skipað sum fyrilestur, kjak, bólkaarbeiði og framløga frá teimum lesandi.
Próvtøka
- Próvtøkuháttur
- Skrivlig heimauppgáva
- Próvdøming (innanhýsis/uttanhýsis)
- Ikki ásett
- Próvtalsstigi
- Staðið/Ikki staðið
- Próvtøkudagur/dagar
- Heimauppgáva ið verður skrivað í døgunum 12 - 19 Mai.
- Freist fyri frámelding til próvtøku
- fríggjadagur, 21. februar 2025
Ábyrgd og undirvísarar
- Ábyrgd
- Jákup Reinert Hansen
- Undirvísarar
- Jákup Reinert Hansen