Skeiðsgongd

Skeiðsupplýsingar

Heiti: Enskt sum undirvísingarfak IV - Málførleiki við støði í mállæru og gjøgnum bókmentir
Skeiðsnummar: 6743.22
Lestrarár: 2024-2025
ECTS: 10,00
Stig: Bachelor
Deildir: Námsvísindadeildin
Útbúgvingar: B.Ed. sum fólkaskúlalærari
Fortreytir: Tann lesandi skal vera innskrivaður til læraralestur á NÁD
Undirvísingarmál: Føroyskt og enskt
Tilmelding: Lesandi á 2., 3. og 4. lestrarári í B.Ed. sum fólkaskúlalærari velja linjugrein umvegis Moodle. Námsvísindadeildin kann í summum førum bjóða út stakreinalestur, ið er treytað av at tøk lestrarpláss eru á skeiðnum. Tilmelding til stakgreinalestur fer fram umvegis Lestrarskrivstovuna: umsokn@setur.fo
Byrjanardato: týsdagur, 18. mars 2025
Endadato: fríggjadagur, 2. mai 2025

Fakligt innihald

Endamál: Lesandi skulu læra at sniðgeva lærugongdir, sum læra næmingar málførleikar á ein virknan hátt, og har mállæra verður lærd í sínum náttúrliga samanhangi. Lesandi skulu harumframt fáa eitt yvirlit yvir høvuðssløgini í bókmentarkritikki (literary criticism) og í bókmentargreining (literary analysis) og læra at nýta hesi háttaløg í verki.
Læruúrtøka: Tá ið skeiðið er lokið, skal tann lesandi vera førur fyri at • sniðgeva lærugongdir, sum hava til endamáls at læra næmingarnar í fólkaskúlanum teir fýra málførleikarnar og at læra mállæru í sínum náttúrliga samanhangi • sniðgeva lærugongdir, sum hava til endamáls at læra næmingar fólkaskúlans at greina, tulka og kritiskt meta um ymisk tekstasløg
Innihald: Undirvísing og eftirmeting av teimum fýra førleikaøkinum, ið mynda enskt sum fremmandamál í fólkaskúlanum. T.e. • At lurta • At tosa • At lesa • At skriva - her er mállæra íroknað Bókmentarkritikkur og bókmentagreining. • Ymiskar sløg av bókmentarkritikki (literary criticism) • Ymisk amboð í bókmentagreining
Læru- og undirvísingarhættir: Fjølbroytt undirvísing:  Fyrilestraundirvísing.  Lesandi arbeiða sjálvstøðugt, tvey og tvey og í bólkum  Lesandi, hvør sær og tvey og tvey, gera verkætlanir

Próvtøka

Próvtøkuháttur: Próvtøka er munnlig. Lesandi leggja fram einsæris. Í próvtøkuni skulu tey lesandi vísa, hvussu tey skipa eina undirvísing, ið tekur støði í einum bókmentanarligum teksti, har tey brúka undirvísngarhættir, ið seta sjóneykuna á tveir málførleikar.
Próvdøming (innanhýsis/uttanhýsis): Uttanhýsis
Próvtalsstigi: 7-talsstigin
Próvtøkudagur/dagar: Munnliga próvtøkan er sett til viku 18 í 2025
Freist fyri frámelding til próvtøku: týsdagur, 18. mars 2025

Ábyrgd og undirvísarar

Aftur