6805 - Støddfrøði sum undirvísingarfak I - Algebra og geometri úr fakdidaktiskum sjónarhorni
Skeiðsupplýsingar
Heiti
Støddfrøði sum undirvísingarfak I - Algebra og geometri úr fakdidaktiskum sjónarhorni
Skeiðsnummar
6805.22
Lestrarár
2024-2025
ECTS
10,00
Stig
Bachelor
Deildir
Námsvísindadeildin
Útbúgvingar
B.Ed. sum fólkaskúlalærari
Fortreytir
Tann lesandi skal vera innskrivaður til læraralestur á NÁD
Undirvísingarmál
Undirvíst verður á føroyskum. Grundbókin er á donskum, og annað undirvísingartilfar er á skandinaviskum og føroyskum. Bólkarbeiði, orðaskifti, framløgur o.a.m. er á føroyskum.
Tilmelding
Lesandi á 2., 3. og 4. lestrarári í B.Ed. sum fólkaskúlalærari velja linjugrein umvegis Moodle. Um tøk lestrarpláss eru, ber til at melda seg til stakgreinalestur umvegis skrivstovuna á Námsvísindadeildini.
Byrjanardato
27. august 2024
Endadato
20. desember 2024
Fakligt innihald
Endamál
Endamálið við skeiðinum er at fyrireika tey lesandi til at undirvísa 6. til 10. flokk í støddfrøði við serligum atliti til algebra og geometri. Harumframt skal tann lesandi fáa eitt granskingargrundað fakdidaktiskt innlit, ið ger hann føran fyri leggja eina undirvísing til rættis, sum tekur atlit til kognitivu- og sosialu fortreytirnar hjá næmingunum.
Læruúrtøka
Tá ið skeiðið er lokið, skal tann lesandi megna: • at greiða frá støddfrøðiliga innihaldinum innan algebra og geometri í mið- og hádeild fólkaskúlans, • at loysa uppgávusløg, ið næmingar arbeiða við í mið - og hádeild fólkaskúlans, • at vísa dømi um kannandi háttaløg og úrleiðsluháttaløg í støddfrøðiundirvísing, • at hugleiða um og taka støðu til fakdidaktiska gransking, ið varpar ljós á, hvussu næmingar fata algebra og geometri , og hvussu henda fatan kann broytast og víðkast við góðari undirvísing • at grundgeva fyri, hvussu ein lærari kann fyrireika, fremja og eftirmeta hugkveikjandi, næmingalagaða og innihaldsríka støddfrøðiundirvísing. Hetta skal verða gjørt úr einum fakdidaktiskum sjónarhorni.
Innihald
Høvuðstemuni í skeiðnum eru: • Generaliseringar, líkningar og funktiónir. • Renturokning, trupulleikaloysing og modellering í støddfrøði. • Klassisk og analytisk geometri, herundir skilvís hugsan og próvførsla. • Trigonometri og ikki-euklidisk geometri. • Námsætlan fyri støddfrøði í føroyska fólkaskúlanum. • Undirvísingartilfar, undirvísingarhættir og eftirmetingarhættir í støddfrøði.
Læru- og undirvísingarhættir
Bólkaarbeiði, floksarbeiði, fyrilestrar, sjálvlestur, heimauppgávur, innlatingaruppgávur, framløgur og kjak.
Próvtøka
Próvtøkuháttur
Virkin luttøka: Ígjøgnum skeiðið skulu lesandi greiða úr hondum eina røð av uppgávum so sum yvirlitspappír, framløgur og skrivliga royndir. Hesar uppgávur skulu góðkennast og verða mettar sum staðið/ikki staðið. Lesandi verða mett einsæris.
Próvdøming (innanhýsis/uttanhýsis)
Innanhýsis
Próvtalsstigi
Staðið/Ikki staðið
Próvtøkudagur/dagar
Nærri kunning kemur seinni
Freist fyri frámelding til próvtøku
27. august 2024
Ábyrgd og undirvísarar
Ábyrgd
Ingi Heinesen Højsted
Undirvísarar
Søren Antoft
Aftur