6808 - Støddfrøði sum undirvísingarfak IV - Stokastik úr fakdidaktiskum sjónarhorni
Skeiðsupplýsingar
- Heiti
- Støddfrøði sum undirvísingarfak IV - Stokastik úr fakdidaktiskum sjónarhorni
- Skeiðsnummar
- 6808.22
- Lestrarár
- 2024-2025
- ECTS
- 10,00
- Stig
- Bachelor
- Deildir
- Námsvísindadeildin
- Útbúgvingar
- B.Ed. sum fólkaskúlalærari
- Fortreytir
- Tann lesandi skal vera innskrivaður til læraralestur á NÁD
- Undirvísingarmál
- Føroyskt
- Tilmelding
- Lesandi á 2., 3. og 4. lestrarári í B.Ed. sum fólkaskúlalærari velja linjugrein umvegis Moodle. Námsvísindadeildin kann í summum førum bjóða út stakreinalestur, ið er treytað av at tøk lestrarpláss eru á skeiðnum. Tilmelding til stakgreinalestur fer fram umvegis Lestrarskrivstovuna: umsokn@setur.fo
- Byrjanardato
- týsdagur, 18. mars 2025
- Endadato
- fríggjadagur, 2. mai 2025
Fakligt innihald
- Endamál
- Endamálið við skeiðinum er at fyrireika tey lesandi til at undirvísa 6. til 10. flokk í støddfrøði við serligum atliti til hagfrøði og sannlíkindi. Harumframt skal tann lesandi fáa eitt granskingargrundað fakdidaktiskt innlit, ið ger hann føran fyri leggja eina undirvísing til rættis, sum tekur atlit til kognitivu- og sosialu fortreytirnar hjá næmingunum.
- Læruúrtøka
- Tá ið skeiðið er lokið, skal tann lesandi megna: • at greiða frá støddfrøðiliga innihaldinum innan hagfrøði og sannlíkindi í mið- og hádeild fólkaskúlans, • at loysa uppgávusløg, ið næmingar arbeiða við í mið - og hádeild fólkaskúlans, • at vísa dømi um kannandi háttaløg og úrleiðsluháttaløg í støddfrøðiundirvísing, • at hugleiða um og taka støðu til fakdidaktiska gransking, ið varpar ljós á, hvussu næmingar fata hagfrøði og sannlíkindi, og hvussu henda fatan kann broytast og víðkast við góðari undirvísing • at kunna grundgeva fyri hvussu ein lærari kann fyrireika, fremja og eftirmeta hugkveikjandi, næmingalagaða og innihaldsríka støddfrøðiundirvísing. Hetta skal verða gjørt úr einum fakdidaktiskum sjónarhorni.
- Innihald
- Høvuðstemuni í skeiðnum eru: • Kannandi dátagreining. • Deskriptiv hagfrøði. • Stokastik didaktik. • Sannlíkindi og sannlíkisfordeilingar. • Stakroyndir og metingar. • Námsætlan fyri stokastik í føroyska fólkaskúlanum. • Undirvísingartilfar, undirvísingarhættir og eftirmetingarhættir innan stokastik.
- Læru- og undirvísingarhættir
- Bólkaarbeiði, floksarbeiði, fyrilestrar, sjálvlestur, heimauppgávur, innlatingaruppgávur, framløgur og kjak.
Próvtøka
- Próvtøkuháttur
- Próvtøkan er í tveimum høvuðspartum: Ígjøgnum skeiðið skulu lesandi greiða úr hondum eina røð av uppgávum so sum yvirlitspappír, framløgur og skrivligar royndir. Hesar uppgávur skulu góðkennast og verða mettar sum staðið/ikki staðið. • Við skeiðslok skulu tey lesandi lata inn eina framløguskrá (t.e. synopsis), sum kann verða skrivað í tvey- ella trímansbólkum. • Munnliga próvtøkan tekur støði í hesi skránni. Lesandi verða mett einsæris. (Próvtøkuhátturin verður neyvari lýstur í sjálvstøðugum skjali)
- Próvdøming (innanhýsis/uttanhýsis)
- Uttanhýsis
- Próvtalsstigi
- 7-talsstigin
- Próvtøkudagur/dagar
- Munnliga próvtøkan er sett til viku 18 í 2025.
- Freist fyri frámelding til próvtøku
- týsdagur, 18. februar 2025
Ábyrgd og undirvísarar
- Ábyrgd
- Ingi Heinesen Højsted
- Undirvísarar
- Ingi Heinesen Højsted, Søren Antoft