6853 - Undirvísing og læring III - Lærarastarvið - skúli og samfelag
Skeiðsupplýsingar
- Heiti
- Undirvísing og læring III - Lærarastarvið - skúli og samfelag
- Skeiðsnummar
- 6853.22
- Lestrarár
- 2024-2025
- ECTS
- 10,00
- Stig
- Bachelor
- Deildir
- Námsvísindadeildin
- Útbúgvingar
- B.Ed. sum fólkaskúlalærari
- Fortreytir
- Tann lesandi skal verða innskrivaður til læraralestur á NÁD
- Undirvísingarmál
- Undirvíst verður á føroyskum.
- Tilmelding
- Lesandi á 3. lestrarhálvu í B.Ed. sum fólkaskúlalærari eru sjálvvirkandi tilmeldað.
- Byrjanardato
- 27. august 2024
- Endadato
- 19. desember 2024
Fakligt innihald
- Endamál
- Endamálið við hesum skeiði er, at lesandi skulu fáa innlit í tær grundhugsanir, ið eyðkenna fólkaskúlan og fólkaskúlaskipanina. – Hví hava vit ein fólkaskúla? Hvørjar uppgávur skal fólkaskúlin loysa fyri samfelagið? Og hvat eyðkennirsambandið millum lærara/næming, lærara/lærara og næming/næming í fólkaskúlanum?
- Læruúrtøka
- Tá skeiðið er lokið, skulu tey lesandi duga at - greiða frá høvuðsgongdini í føroyskari skúlasøgu - hugleiða um skúlans uppgávu við støði í viðurkendum pedagogiskum ástøðum - greiða frá og taka støðu til avbjóðingar og skyldur, sum føroyskir fólkaskúlalærarar hava - greiða og meta um myndanaruppgávu skúlans - greiða frá floksleiðsluhugtakinum og føra prógv fyri hvønn týdning floksleiðsla hevur fyri undirvísing. - meta um sína egnu læraramedferð og persónsmensku - lýsa tann mun, ið kann vera millum næmingar, ið sita lið um lið í fólkaskúlanum og vísa við dømum, hvussu ein lærari kann næmingalaga undirvísingina - greiða frá og kritiskt meta um ymiskar læraratýpur og leiklutir - at standa fram og undirvísa bólkalimum í ymiskum úrvaldum evnum
- Innihald
- Skeiðið er skipað rundan um hesi evni: • Hin føroyski fólkaskúlin – fyrr og nú • Fjølbroytt pedagogisk ástøði • Lærarin í fólkaskúlanum – og læraraleiklutir • Floksleiðsla • Næmingurin í fólkaskúlanum – nútíðarnæmingurin og næmingatýpur. • Børn og spæl
- Læru- og undirvísingarhættir
- Styttri og longri fyrilestar, samstarvandi lærutilgongdir, lesiringar, einstaklinga- og bólkaframløgur av ymiskum slagi, ymiskar skrivivenjingar og styttri og longri evnisarbeiði.
Próvtøka
- Próvtøkuháttur
- Próvtøkuhátturin er ein skrivlig uppgáva. Skrivliga uppgávan er eitt einstaklinga avrik, har tann lesandi skal svara nøkrum spurningum, ið hava beinleiðis samband við læruúrtøkuna fyri skeiðið. Endurpróvtøka verður skipað á sama hátt, sum upprunaliga próvtøkan.
- Próvdøming (innanhýsis/uttanhýsis)
- Innanhýsis
- Próvtalsstigi
- 7-talsstigin
- Próvtøkudagur/dagar
- Skrivliga uppgávan verður latin inn í viku 3 í 2025.
- Freist fyri frámelding til próvtøku
- 27. august 2024
Ábyrgd og undirvísarar
- Ábyrgd
- Rúna í Skála
- Undirvísarar
- Rúna í Skála