6854 - Undirvísing og læring IV – Lívsáskoðan og siðalæra
Skeiðsupplýsingar
Heiti
Undirvísing og læring IV – Lívsáskoðan og siðalæra
Skeiðsnummar
6854.22
Lestrarár
2023-2024
ECTS
10,00
Stig
Bachelor
Deildir
Námsvísindadeildin
Útbúgvingar
B.Ed. sum fólkaskúlalærari
Fortreytir
Tann lesandi skal vera innskrivaður til læraralestur á NÁD
Undirvísingarmál
Undirvíst verður á føroyskum.
Tilmelding
Lesandi á 4. lestrarhálvu í B.Ed. sum fólkaskúlalærari eru sjálvvirkandi tilmeldað.
Byrjanardato
23. januar 2024
Endadato
6. juni 2024
Fakligt innihald
Endamál
Endamálið við hesum skeiði er, at lesandi skilja hvønn leiklut lívsáskoðan og siðalæra hava í teirra yrki, at tey (1) nema sær innlit í týðandi tættir í siðvenjum, m.a. í kristni siðaarvinum og modernaðum siðvenjum, ið hava myndað okkara samfelag, gerast tilvitaði um hvussu hesar ávirka virkisøkið hjá lærarum, og læra at rúma menniskjum við ymsum lívsáskoðanum í dagliga lívinum á skúlanum; (2) skilja grundleggjandi etisk ástøði og hugtøk og duga at brúka tey í viðkomandi yrkisstøðum hjá lærarum; og (3) byrja at hugleiða um teirra egna leiklut sum komandi lærarir, ið skulu stuðla menningini og myndanini av børnum.
Læruúrtøka
Tá skeiðið er lokið, skulu tey lesandi duga at • taka støðu til hvønn leiklut ymsar siðvenjur, serliga kristindómur og modernaðar siðvenjur, hava í føroyska samfelagnum, serliga innanskúla í myndanaruppgávu skúlans • greiða frá og samanbera ymsar siðalærur, og vísa hvussu hesar eru viðkomandi í teirra komandi yrki • seta orð á og grundgeva fyri, hvør yrkisetiski leikluturin hjá lærarum er, tá hugsað verður bæði um næmingarnar, ið lærarar arbeiðir við, og um almennu karmarnar fyri skúlaverkið
Innihald
Høvuðsevnini eru: • Virðir og endamálsorðing fólkaskúlans • Grundleggjandi tættir í kristnum og modernaðum siðvenjum, ið hava myndað føroyska samfelagið og fólkaskúlan • Tættir í vesturlendskum fólkaræðum, s.s. modernitetur og sekularisma • Grundleggjandi etiskar siðvenjur og hugtøk • Etisk menning og myndan á skúlum • Yrkisetikkur
Læru- og undirvísingarhættir
Fyrilestrar, bólkaarbeiði, vegleiðingar og framløgur
Próvtøka
Próvtøkuháttur
Munnlig framløga (Próvtøkan verður neyvari lýst í sjálvstøðugum skjali)
Próvdøming (innanhýsis/uttanhýsis)
Innanhýsis
Próvtalsstigi
7-talsstigin
Próvtøkudagur/dagar
Munnliga framløgan er sett til viku 24 í 2024.
Freist fyri frámelding til próvtøku
23. januar 2024
Ábyrgd og undirvísarar
Ábyrgd
Poul Fossdal Guttesen
Undirvísarar
Solveig Hanusardóttir Olsen
Aftur