Skeiðsgongd

Skeiðsupplýsingar

Heiti: Kvalitativ granskingarháttaløg í heilsuvísindum
Skeiðsnummar: 8723.23
Lestrarár: 2023-2024
ECTS: 7,50
Stig: Master
Deildir: Deildin fyri Heilsu- og Sjúkrarøktarvísindi
Útbúgvingar: M.Sc. í heilsuvísindum
Fortreytir: Heilsuvísindaliga útbúgving á bachelorstigi, Aðrar viðkomandi bachelorútbúgvingar.
Undirvísingarmál: Undirvíst verður á føroyskum. Undirvísingartilfar er í høvuðsheitum á donskum, umframt á enskum og skandinaviskum. Fyrilestrar, bólkarbeiði, orðaskifti o.a.m. er á føroyskum.
Tilmelding: Lesandi á M.Sc. í heilsuvísindum melda seg til skeiðið umvegis skrivstovuna á Deildini fyri Heilsu- og Sjúkrarøktarvísindi við at senda ein teldupost til DHS@setur.fo, í seinasta lagi 6. juni 2023. Kunning vv. stakgreinalestri verður tøk eftir 6. juni 2023.
Byrjanardato: 29. august 2023
Endadato: 4. oktober 2023

Fakligt innihald

Endamál: Endamálið við skeiðinum er at lesandi fáa innlit í týðandi hugtøk, háttaløg og vísindaástøðiligar tilgongdir innan kvalitativa gransking, ogna sær førleika at meta um dygdina á kvalitativari gransking, og kunnu útinna kvalitativa kanning við støði í sjálvvaldum spurdómi í heilsuvísindum.
Læruúrtøka: Tá skeiðið er lokið, skal tann lesandi vera før/ur fyri at: - vísa innlit í eitt úrval av kvalitativum háttaløgum og vísindaástøðiligum tilgongdum - greiða frá samanhanginum millum vísindaástøðiligar tilgongdir og kvalitativ háttaløg - meta um dygdina á kvalitativari gransking út frá góðkendum kvalitetskrøvum - meta um etiskar avbjóðingar tá granskað verður í smáum og transparentum samfeløgum - útinna egna kvalitativa kanning við støði í sjálvaldum evni í heilsuvísindum
Innihald: Á skeiðinum verður dentur lagdur á: - ymisk kvalitativ háttaløg - ymiskar vísindaástøðiligar tilgongdir innan kvalitativa gransking - granskingargongdina í kvalitativari gransking - etiskt umhugsni innan kvalitativa gransking og við serligum denti á avbjóðingar í smáum og transparentum samfeløgum.
Læru- og undirvísingarhættir: Undirvísingin er skipað við skifti millum fyrilestrar, dialog, bólkaarbeiði og sjálvlestur. Afturboðan er á hesum skeiði bæði munnlig og skrivlig, og bæði frá undirvísarum og frá lesandi til lesandi.

Próvtøka

Próvtøkuháttur: Á skeiðnum ger lesandi 3 kravdar uppgávur, ið skulu standast áðrenn viðkomandi kann fara upp til próvtøku. Til próvtøkuna ger lesandi út frá einum av kravdu uppgávunum ein postara, sum lesandi munnliga leggur fram.
Próvdøming (innanhýsis/uttanhýsis): Innanhýsis
Próvtalsstigi: Staðið/Ikki staðið
Próvtøkudagur/dagar: Próvtøkan er sett til 16. oktobur 2023.
Freist fyri frámelding til próvtøku: 29. august 2023

Ábyrgd og undirvísarar

Aftur