8931 heyst - Klinisk sjúkrarøkt av eldri og varandi sjúkum I
Skeiðsupplýsingar
Heiti
Klinisk sjúkrarøkt av eldri og varandi sjúkum I
Skeiðsnummar
8931.24
Lestrarár
2024-2025
ECTS
9,00
Stig
Bachelor
Deildir
Deildin fyri Heilsu- og Sjúkrarøktarvísindi
Útbúgvingar
B.Sc. í sjúkrarøktarfrøði
Fortreytir
Hava staðið próvtøku í Heilivágsrokning
Undirvísingarmál
Undirvíst verður á føroyskum. Undirvísingartilfar er í høvuðsheitum á donskum, umframt á enskum og skandinaviskum. Fyrilestrar, bólkarbeiði, orðaskifti o.a.m. er á føroyskum.
Tilmelding
Lesandi á 4. lestrarhálvu í B.Sc. í sjúkrarøktarfrøði eru sjálvvirkandi tilmeldað.
Byrjanardato
21. oktober 2024
Endadato
29. november 2024
Fakligt innihald
Endamál
At lesandi mennir hegni og førleika í at útinna sjúkrarøkt til eldri og varandi sjúk. At lesandi fær skil fyri heilsufremjandi, heilsuvarðveitandi, fyribyrgjandi eins og viðgerandi, rehabiliterandi og linnandi sjúkrarøkt til eldri og varandi sjúk. At lesandi fær førleika til at samstarva við búfólk, avvarðandi, samstarvsfelagar og aðrar fakbólkar.
Læruúrtøka
Eftir lokið skeið, skal lesandi vera før/ur fyri at: • Brúka sjúkrarøktarprosessina til at staðfesta tørvir, gera røktarætlan og útinna sjúkrarøkt samsvarandi henni • Vísa hegni í at skjalfesta sjúkrarøktina við skjalfestingaramboði, ið verður nýtt á kliniska útbúgvingarstaðnum • Greiða frá heilsufremjandi, fyribyrgjandi, rehabiliterandi og linnandi sjúkrarøkt til búfólk • Grundgeva fakliga við nýggjastu vitan um útintu sjúkrarøkt • Duga at virða búfólkið og umhvørvið hjá honum/henni • Vísa nærleika í relatiónini við búfólkið • Vísa hegni í at samskifta professionelt við búfólkið og avvarðandi við atliti at teirra tørvum og fortreytum • Reflektera um samstarvið við avvarðandi • Reflektera um og fyrisita heilivág til eldri • Reflektera um siðfrøðiligar støður í mun til búfólk • Miðla lívssøgu til samstarvsfelagar út frá samrøðu við búfólk/avvarðandi • Greiða frá tvørfakliga samstarvinum í mun til viðgerð og røkt til búfólk • Vísa hegni í at samstarva mono- og tvørfakligt • Sýna ábyrgd fyri egnari lærugongd og meta um egnan lærutørv í mun til framtíðar útbúgvingartilgongd.
Innihald
Kliniska undirvísingin er 6 vikur. Sjúkrarøkt til eldri og/ella varandi sjúk búfólk á stovni. Sjúkrarøkt í mun at stuðla likamligu, sálarligu, sosialu og andaligu tørvunum.
Læru- og undirvísingarhættir
Kliniska undirvísingin er skipað sum samvirkin lestur á stovni. Samvirkin lestur er, at tann lesandi luttekur í og útinnir sjúkrarøkt saman við sjúkrarøktarfrøðingi. Tann lesandi fær møguleika at observera, lýsa og greina sjúkrarøktarfakligar spurdómar og útinna sjúkrarøkt til útvald búfólk.
Próvtøka
Próvtøkuháttur
Støðumet. Við endan av tíðarskeiðinum, verður lesandi mett í mun til læruúrtøkuna fyri klinisku undirvísingarskeiðið. Metanin av lesandi er javnmett við eina innanhýsis próvtøku.
Próvdøming (innanhýsis/uttanhýsis)
Innanhýsis
Próvtalsstigi
Staðið/Ikki staðið
Próvtøkudagur/dagar
Støðumetingin er sett til tann 29. november 2024
Freist fyri frámelding til próvtøku
21. oktober 2024
Ábyrgd og undirvísarar
Ábyrgd
Maria Súsanna Hammer Olsen
Undirvísarar
Sára Skylv Reinert, Sunrit Niklasdóttir
Aftur