8933 vár - Klinisk og ástøðilig sjúkrarøkt: Relatión í stutta møtinum
Skeiðsupplýsingar
- Heiti
- Klinisk og ástøðilig sjúkrarøkt: Relatión í stutta møtinum
- Skeiðsnummar
- 8933.24
- Lestrarár
- 2024-2025
- ECTS
- 10,50
- Stig
- Bachelor
- Deildir
- Deildin fyri Heilsu- og Sjúkrarøktarvísindi
- Útbúgvingar
- B.Sc. í sjúkrarøktarfrøði
- Fortreytir
- Undirvísingarmál
- Undirvíst verður á føroyskum. Undirvísingartilfar er í høvuðsheitum á donskum, umframt á enskum og skandinaviskum. Fyrilestrar, bólkarbeiði, orðaskifti o.a.m. er á føroyskum.
- Tilmelding
- Lesandi á 7. lestrarhálvu í B.Sc. í sjúkrarøktarfrøði eru sjálvvirkandi tilmeldað.
- Byrjanardato
- mánadagur, 3. februar 2025
- Endadato
- fríggjadagur, 21. mars 2025
Fakligt innihald
- Endamál
- At lesandi fær skil fyri, hvat kann hava týdning fyri professionellu relatiónini millum sjúkrarøktarfrøðing og sjúkling í stutta møtinum.
- Læruúrtøka
- Eftir lokið skeið skal lesandi vera før/ur fyri at: Lýsa ta sjúkrarøkt, ið verður útint á kliniska útbúgvingarstaðnum Greiða frá støðu sjúklingsins og tørv á sjúkrarøkt í stutta møtinum Reflektera um samskifti við sjúkling, avvarðandi og samstarvspartar, ið er grundað á ástøði um professionelt samskifti Reflektera um viðurskifti, ið hava týdning fyri ta professionellu relatiónina millum sjúkrarøktarfrøðing og sjúkling og avvarðandi í stutta møtinum Lýsa útvaldar komplimenterar og alternativar viðgerðarhættir og lýsa, hvussu hesir hættir virka Lýsa ábyrgd í mun til at kunna sjúklingar viðvíkjandi komplimentera og alternativa viðgerð Leita fram granskingarúrslit í mun til útvaldan kliniskan spurdóm Greiða frá granskingarúrslitinum í valdu vísindaligu grein Meta um, hvussu granskingarúrslitini kunnu góðskumenna klinisku sjúkrarøktina Miðla viðgerð av kliniskum spurdómi til medlesandi og starvsfólk í klinikkini Meta um egnan lærutørv í mun til læruúrtøkurnar
- Innihald
- Undirvísingin er skipað soleiðis: 2 vikur ástøði 4 vikur klinisk undirvísing 1 vika próvtøkuuppgáva Innihaldið í ástøðiligu undirvísingini er: Sjúkrarøkt í stutta møtinum Professionel relatión og professionelt samskifti Venjingar í relatión og samskifti Varandi sjúk og multisjúk Sjálvvaldar kliniskar handlingar í venjingarstovu (kravt lestrarvirksemi) Alternativ viðgerð og røkt Tíð og rúm Patientologi: sjúklingur og avvarðandi Familjusjúkrarøkt Innihaldið í klinisku undirvísingini er: Kliniska undirvísingin er á kliniskum útbúgvingarstøðum, ið eru eyðkend fyri stutt samband við sjúklingin; eitt nú á ambulatorium Lesandi observerar og partvíst útinnir sjúkrarøkt við denti á relatiónina við sjúklingar í sjúklingagongdum, sum eru eyðkendar við styttri sambondum
- Læru- og undirvísingarhættir
- Ástøðiliga undirvísingin er skipað við skifti millum fyrilestrar, dialog, bólkaarbeiði, venjingar og sjálvlestur. Kliniska undirvísingin er skipað sum observerandi lesnaður har lesandi er saman við sjúkrarøktarfrøðingi og observerar og útinnir avmarkaða sjúkrarøkt. Lesandi hevur møguleika at observera, lýsa og greina sjúkrarøktarfakligar spurdómar í praksis.
Próvtøka
- Próvtøkuháttur
- Einsæris skrivlig klinisk uppgáva
- Próvdøming (innanhýsis/uttanhýsis)
- Innanhýsis
- Próvtalsstigi
- Staðið/Ikki staðið
- Próvtøkudagur/dagar
- Skrivlig klinisk uppgáva skal latast inn 21. mars 2025.
- Freist fyri frámelding til próvtøku
- mánadagur, 3. februar 2025
Ábyrgd og undirvísarar
- Ábyrgd
- Sonja Nielsen
- Undirvísarar
- Theresa Joensen Rønnebech, Súsanna Herdalur Tausen