1380 - Samleiki og annaðmálslæring (BA)
Skeiðsupplýsingar
- Heiti
- Samleiki og annaðmálslæring (BA)
- Skeiðsnummar
- 1380.25
- Lestrarár
- 2025-2026
- ECTS
- 10,00
- Stig
- Bachelor
- Deildir
- Føroyamálsdeildin
- Útbúgvingar
- B.A. í føroyskum
- Fortreytir
- Studenturin skal hava staðið fyrra part av BA í føroyskum ella samsvarandi. Til ber eisini at taka skeiðið sum stakskeið við øðrum fortreytum (víst verður til galdandi námsskipan).
- Undirvísingarmál
- Undirvíst verður á føroyskum og møguliga eisini eitt sindur á enskum máli
- Tilmelding
- Lesandi á 4. og 6. lestrarhálvu í B.A. í føroyskum melda seg til skeiðið á Moodle. Stakgreinalesandi melda seg til skeiðið umvegis Lestrarskrivstovuni við at senda teldupost til lss@setur.fo
- Byrjanardato
- týsdagur, 3. februar 2026
- Endadato
- týsdagur, 2. juni 2026
Fakligt innihald
- Endamál
- Endamálið er at menna førleikar teirra lesandi at skilja sambandið millum mál og samleika við atliti at annaðmálslæring hjá vaksnum tilflytarum, grundað á føroyska og altjóða gransking. Endamálið er harumframt at geva lesandi innlit í samleika sum fjøltáttað fyribrigdi og ástøðiligt meginhugtak í nýtslumálvísindum og annaðmálslæring.
- Læruúrtøka
- Tá skeiðið er lokið, eru tey lesandi før fyri at • Greiða frá ástøði um samleika við atliti at annaðmálslæring • Lýsa aspekt av samleika sum fjøltáttað og tvørfakligt hugtak í annaðmálstøku • Greiða frá royndum hjá vaksnum tilflytarum við at læra føroyskt sum eitt afturatlagt mál í ymsum sosialum høpi • Greiða frá og skifta orð um tann týdning, ið ímyndaður samleiki í víðari merking hevur fyri vaksna máltakaran í einum føroyskum samteksti
- Innihald
- Skeiðið fevnir um hesi høvuðsevni: • Ástøði um samleika við atliti at annaðmálslæring • Samleiki sum fjøltáttað fyribrigdi (t.d. tjóðskapur, mál, kyn, etnisitetur, stætt, átrúnaður, útbúgving, starv) og sambandið, ið samleiki hevur við annaðmálslæring • Royndir hjá vaksnum tilflytarum við at læra føroyskt sum eitt afturatlagt mál: Fjøltáttað narrativ, fjølbroyttir og broytiligir samleikar • Háttaløg at kanna spurningar um samleika og annaðmálslæring • Ímyndaðir samleikar og íløga í eitt nýtt mál • Smærri verkevni
- Læru- og undirvísingarhættir
- Fyrilestrar, bólkaarbeiði, kjak, formativ meting, einstaklinga- og bólkaframløgur, sjálvlestur, smærri uppgávur, kanningar og verkevni.
Próvtøka
- Próvtøkuháttur
- Munnlig hálvtíma framløga við 1-3 dagar fyrireiking um uppgivið evni.
- Próvdøming (innanhýsis/uttanhýsis)
- Uttanhýsis
- Próvtalsstigi
- 7-talsstigin
- Próvtøkudagur/dagar
- Vika 24
- Freist fyri frámelding til próvtøku
- mánadagur, 2. februar 2026
Ábyrgd og undirvísarar
- Ábyrgd
- Anna Elisabeth Holm
- Undirvísarar
- Anna Elisabeth Holm