1480 - Samleiki og annaðmálslæring (MA)
Skeiðsupplýsingar
- Heiti
- Samleiki og annaðmálslæring (MA)
- Skeiðsnummar
- 1480.25
- Lestrarár
- 2025-2026
- ECTS
- 10,00
- Stig
- Master
- Deildir
- Føroyamálsdeildin
- Útbúgvingar
- M.A. í føroyskum
- Fortreytir
- Bachelor (t.d. BEd í lærara ella Bachelor í føroyskum ella í øðrum máli). Til ber eisini at taka skeiðið sum stakskeið við øðrum fortreytum (víst verður til galdandi námsskipan).
- Undirvísingarmál
- Undirvíst verður á føroyskum og møguliga eisini eitt sindur á enskum máli
- Tilmelding
- Lesandi á 2. lestrarhálvu í M.A. í føroyskum melda seg til skeiðið umvegis Moodle. Stakgreinalesandi melda seg til skeiðið umvegis lestrarskrivstovuna á umsokn@setur.fo
- Byrjanardato
- týsdagur, 3. februar 2026
- Endadato
- týsdagur, 2. juni 2026
Fakligt innihald
- Endamál
- Endamálið er at menna førleikar teirra lesandi at skilja sambandið millum mál og samleika við atliti at annaðmálslæring hjá vaksnum tilflytarum, grundað á føroyska og altjóða gransking. Endamálið er harumframt at geva lesandi djúptøkið innlit í samleika sum ástøðiligt meginhugtak í nýtslumálvísindum og annaðmálslæring, og at geva teimum vitan og førleikar, ið viðvirka til at menna frálæru í føroyskum sum annaðmál í einum fleirmæltum konteksti.
- Læruúrtøka
- Tá skeiðið er lokið, eru tey lesandi før fyri at • Greiða frá og meta um ástøði um samleika við atliti at annaðmálslæring • Lýsa og skifta orð um aspekt av samleika sum samansett, fjøltáttað og tvørfakligt hugtak í annaðmálslæring og undirvísing • Greiða frá og greina royndir hjá vaksnum tilflytarum við at læra føroyskt sum eitt afturatlagt mál í ymsum sosialum høpi • Greiða frá og meta um tann týdning, ið ímyndaður samleiki í víðari merking hevur fyri vaksna máltakaran í einum føroyskum samteksti • Greiða frá og grunda um tann leiklut, ið lærarin hevur í sambandi við vitan um vaksna máltakaran við atliti at frálæru í føroyskum sum annaðmál
- Innihald
- Skeiðið fevnir um hesi høvuðsevni: • Ástøði um samleika við atliti at annaðmálslæring • Samleiki sum fjøltáttað fyribrigdi (t.d. tjóðskapur, mál, kyn, etnisitetur, stætt, átrúnaður, útbúgving, starv) og sambandið, ið samleiki hevur við annaðmálslæring og undirvísing • Royndir hjá vaksnum tilflytarum við at læra føroyskt sum eitt afturatlagt mál: Fjøltáttað narrativ, fjølbroyttir og broytiligir samleikar • Háttaløg at kanna spurningar um samleika og annaðmálslæring • Ímyndaðir samleikar og íløga í eitt nýtt mál • Smærri verkevni
- Læru- og undirvísingarhættir
- Fyrilestrar, bólkaarbeiði, kjak, formativ meting, einstaklinga- og bólkaframløgur, sjálvlestur, smærri uppgávur, kanningar og verkevni.
Próvtøka
- Próvtøkuháttur
- Munnlig hálvtíma framløga við 1-3 dagar fyrireiking um uppgivið evni
- Próvdøming (innanhýsis/uttanhýsis)
- Uttanhýsis
- Próvtalsstigi
- 7-talsstigin
- Próvtøkudagur/dagar
- Vika 24
- Freist fyri frámelding til próvtøku
- týsdagur, 3. februar 2026
Ábyrgd og undirvísarar
- Ábyrgd
- Anna Elisabeth Holm
- Undirvísarar
- Anna Elisabeth Holm