Skeiðsgongd

Skeiðsupplýsingar

Heiti: Kroppurin í norrønari gudafrøði
Skeiðsnummar: 1585.24
Lestrarár: 2024-2025
ECTS: 10,00
Stig: Bachelor
Deildir: Føroyamálsdeildin
Útbúgvingar: B.A. í føroyskum
Fortreytir: Studenturin skal hava staðið fyrra part av BA í føroyskum ella samsvarandi. Til ber eisini at taka skeiðið sum stakskeið við øðrum fortreytum.
Undirvísingarmál: Undirvíst verður á føroyskum, skandinaviskum og enskum
Tilmelding: Lesandi á 4. og 6. lestrarhálvu í B.A. í føroyskum melda seg til skeiðið umvegis Moodle. Stakgreinalesandi melda seg til skeiðið umvegis lestrarskrivstovuna á umsokn@setur.fo
Byrjanardato: týsdagur, 4. februar 2025
Endadato: týsdagur, 6. mai 2025

Fakligt innihald

Endamál: Endamálið við skeiðnum er, at tey lesandi fáa grundleggjandi innlit í miðaldarligu skrivligu keldurnar um norrøna gudafrøði og um, hvussu kroppar verða viðgjørdir í hesum keldum. Tey lesandi ogna sær evni at greina og tulka hesar keldur við støði í bókmentaligum og sosialvísindaligum ástøði.
Læruúrtøka: Tá ið skeiðið er lokið, eru tey lesandi før fyri at: • greina og tulka tekstir um norrøna gudafrøði. • greina tekstirnar út frá ástøði um skaldskap av manna munni. • nýta og finna fram hóskandi ástøði til at tulka lýsingar og myndamál av kroppum í tekstunum. • gera upplýstar metingar um, hvussu tekstirnir kunnu geva okkum innlit í tankagongdirnar í samtíðarsamfelagi sínum.
Innihald: Skeiðið kannar, hvussu kroppar verða viðgjørdir sum miðlandi amboð og súmbolskt tilfeingi í miðaldarligum tekstum um norrøna gudafrøði. Við at nýta tvørfaklig ástøði úr bókmenta- og sosialvísindum verður kannað, um og hvussu vit, við at granska kropslýsingar í hesum tekstum, kunnu fáa innlit í tankagongdina hjá teimum, sum festu hesar søgur á blað, og hjá okkum sjálvum.
Læru- og undirvísingarhættir: Fyrilestrar, studentaframløgur, bólkaarbeiði og seminar/kjakfundir

Próvtøka

Ábyrgd og undirvísarar

Aftur