1622 - Listaligt arbeiði – Ritlist
Skeiðsupplýsingar
- Heiti
- Listaligt arbeiði – Ritlist
- Skeiðsnummar
- 1622.24
- Lestrarár
- 2024-2025
- ECTS
- 20,00
- Stig
- Bachelor
- Deildir
- Føroyamálsdeildin
- Útbúgvingar
- B.A. í listaligum arbeiði
- Fortreytir
- Treyt fyri luttøku er, at studenturin er innskrivaður til bachelorútbúgvingina í listaligum arbeiði og hevur lokið hesi skeið: Verkstova III - Ritlist, Egið arbeiði III - Ritlist og Ástøði III
- Undirvísingarmál
- Føroyskt
- Tilmelding
- Lesandi á 4. lestrarhálvu í B.A. í listaligum arbeiði eru sjálvvirkandi tilmeldað.
- Byrjanardato
- mikudagur, 5. februar 2025
- Endadato
- mikudagur, 7. mai 2025
Fakligt innihald
- Endamál
- Studenturin nemur sær royndir í sjálvstøðugum listaligum arbeiðið, sum einstaklingur ella kollektivt saman við luttakandi studentum á skeiðinum. Endamálið við arbeiðinum er at læra at leggja eina listaliga verkætlan til rættis og at útinna ætlanina í verki frá hugskoti til endaliga framleiðslu/fullgjørda listaliga heild.
- Læruúrtøka
- Tá skeiðið er lokið skal studenturin vera før/ur fyri at: - leggja eina listaliga verkætlan til rættis frá hugskoti til endaliga framleiðslu - útinna verkætlanina í verki einsæris ella saman við øðrum - skapa sjálvstøðug og fullgjørt listaligt avrik - greiða frá og meta um egið listaligt avrik og ta verkætlan, ið avrikið er partur av.
- Innihald
- Studentarnir arbeiða við listaligari verkætlan, sum tey allýsa skrivliga við skeiðsbyrjan í samráð við skeiðsábyrgdara (hægst 300 orð). Verkætlanin kann vera einsæris ella kollektiv: t.d. tekstasavn (kollektivt), tekstir til tíðarrit, essay ella ummæli til tíðarrit, podcast, pallseting, upplestur ella performance. Í arbeiðinum við verkætlanini brúka studentarnir tey ástøðiligu amboð og háttaløg, tey hava nomið sær í Verkstovu I-III og Egið Arbeiði I-III. Studentarnir hava sjálvi ábyrgd av at leggja arbeiðið til rættis. Umframt sjálva listaligu verkætlanina kann arbeiðið eisini fevna um samstarv við veitarar, marknaðarføring, og at fáa uttanhýsis fígging til vega um neyðugt.
- Læru- og undirvísingarhættir
- Studentarnir hittast eina ferð um vikuna í 2-4 tímar, ella eftir tørvi. Skeiðsábyrgdari er til staðar at ráðgeva og tryggja framgongd í verkætlanunum. Harumframt arbeiða studentarnir sjálvstøðugt - sum einstaklingar, ið vara av egnari listaligari verkætlan - ella kollektivt sum bólkur, har fleiri saman vara av listaligu dygdini og heildini. Um neyðugt, kunnu uttanhýsis vegleiðarar bjóðast at luttaka í undirvísingini.
Próvtøka
- Próvtøkuháttur
- Samansett próvtøka. Munnlig próvtøka við støði í avriksmappu.
- Próvdøming (innanhýsis/uttanhýsis)
- Uttanhýsis
- Próvtalsstigi
- Staðið/Ikki staðið
- Próvtøkudagur/dagar
- Innlating av avriksmappu 4. juni 2025 . Munnliga próvtøkan er sett at vera 12. juni 2025.
- Freist fyri frámelding til próvtøku
- mikudagur, 12. februar 2025
Ábyrgd og undirvísarar
- Ábyrgd
- Lív Maria Róadóttir Jæger
- Undirvísarar
- Lív Maria Róadóttir Jæger