1710 - Starvslæra – Tónlist
Skeiðsupplýsingar
- Heiti
- Starvslæra – Tónlist
- Skeiðsnummar
- 1710.24
- Lestrarár
- 2024-2025
- ECTS
- 20,00
- Stig
- Bachelor
- Deildir
- Føroyamálsdeildin
- Útbúgvingar
- B.A. í listaligum arbeiði
- Fortreytir
- Treyt fyri luttøku er, at studenturin er innskrivaður til bachelorútbúgvingina í listaligum arbeiði.
- Undirvísingarmál
- Føroyskt
- Tilmelding
- .
- Byrjanardato
- mánadagur, 3. februar 2025
- Endadato
- mánadagur, 5. mai 2025
Fakligt innihald
- Endamál
- Studenturin lærir sjálvstøðugt at brúka og meta um sínar førleikar í verki við at taka á seg uppgávur á einum starvslæruplássi. Harumframt lærir studenturin við støði í ítøkiligum royndum frá starvslæruplássinum, hvussu tónlistaligir førleikar kunnu útinnast verkliga í ítøkiligum listaligum og/ella mentanarligum arbeiði.
- Læruúrtøka
- Við skeiðsenda skal studenturin vera før/ur fyri at: - sjálvstøðugt brúka sínar fakligu førleikar innan tónlist við at taka á seg uppgávur á einum starvslæruplássi - avrika sjálvstøðugt tónlistaligt og/ella listaligt/mentanarligt arbeiði á einum starvslæruplássi - lýsa (í skrivligari frágreiðing) starvslæruplássið og egnan leiklut á sama stovni við støði í starvslæruorðingini og viðkomandi háttaløgum - meta um egnar fakligar førleikar í einum verkligum samanhangi - greiða frá, hvussu tónlistafaklig vitan kann setast í verk í ítøkiligum arbeiði - hugleiða við refleksivari frásjón um listaligt arbeiði í einum samfelagsligum samanhangi.
- Innihald
- Starvslæran er sett saman av arbeiði á einum starvslæruplássi, t.d. einum mentanarstovni, og eini skrivligari frágreiðing um, hvat studenturin hevur gjørt/framleitt/útint og lært í starvslærutíðini. Starvslæruplássið nýtist ikki vera ein mentanarstovnur, men kann eisini vera ein tónlistalig verkætlan, sum studenturin luttekur í, ella ein samanseting av báðum. Dømi um listaligt arbeiði/sjálvstøðugt tónlistaligt avrik, sum er útint undir starvslærutíðini, kann latast inn sum partur av frágreiðingini. Starvslæruplássið orðar í samstarvi við studentin, hvat endamálið við starvslæruni er. Orðingin skal góðkennast av einum vegleiðara, sum er knýttur at Útbúgvingini í listaligum arbeiði, umframt av útbúgvingarleiðaranum, í seinasta lagi tá lestrarhálvan byrjar. Tíðin hjá studentinum á starvslæruplássinum skal svara til 10 arbeiðsvikur.
- Læru- og undirvísingarhættir
- Starvslæran umfatar bæði arbeiði á starvslæruplássinum og vegleiðing. Studenturin hevur ein vegleiðara, sum er knýttur at Útbúgvingini í listaligum arbeiði, og studenturin fær vegleiðing 4-5 ferðir/6-8 tímar eftir tørvi javnt gjøgnum lestrarhálvuna. Sum part av starvslæruni skrivar studenturin loggbók, ið vegleiðarin og studenturin brúka sum støði undir vegleiðingini, tá starvslæran nærkast endanum, og frágreiðingin skal skrivast.
Próvtøka
- Próvtøkuháttur
- Skrivlig frágreiðing (3000-4000 orð) umframt viðkomandi fylgiskjøl so sum loggbók og møgulig dømi um listalig avrik útint undir starvslæruni.
- Próvdøming (innanhýsis/uttanhýsis)
- Uttanhýsis
- Próvtalsstigi
- Staðið/Ikki staðið
- Próvtøkudagur/dagar
- Innlating av frágreiðing 4. juni 2025
- Freist fyri frámelding til próvtøku
- mánadagur, 10. februar 2025
Ábyrgd og undirvísarar
- Ábyrgd
- Sunleif Rasmussen
- Undirvísarar
- Sunleif Rasmussen