Skeiðsgongd

Skeiðsupplýsingar

Heiti: Miðlar og politiskt samskifti
Skeiðsnummar: 6108.23
Lestrarár: 2022-2023
ECTS: 10,00
Stig: Master
Deildir: Søgu- og samfelagsdeildin
Útbúgvingar: M.S.Sc. í politikki og umsiting, M.S.Sc. í samfelagsvísindum, M.A. í søgu
Fortreytir: Bachelor í søgu, samfelagsvísindum, politikki og umsiting ella samsvarandi.
Undirvísingarmál: Undirvíst verður á føroyskum. Lærubøkurnar og annað undirvísingartilfar er á enskum. Uppgávur, framløgur o.a.m. er á føroyskum.
Tilmelding: Lesandi á 2. lestrarhálvu á Master í politikki og umsiting, Master í samfelagsvísindum, Master í søgu og stakgreinalesandi melda seg til skeiðið umvegis skrivstovuna á Søgu- og samfelagsdeildini.
Byrjanardato: 14. februar 2023
Endadato: 31. mai 2023

Fakligt innihald

Endamál: Skeiðið skal geva lesandi víðkaðar ástøðiligar førleikar at greina og viðgera miðlar og politiskt samskifti, og hvussu hesi hanga saman við sosialum og politiskum virksemi í 21. øld.
Læruúrtøka: Tá skeiðið er lokið skal lesandi duga at: - Vísa eina fatan av ymiskari ástøði um miðlar og politiskt samskifti. - Eyðmerkja og greina viðkomandi vísindaligt tilfar um miðlar og politiskt samskifti. - Greina og viðgera avgerandi tættir í sambandi við miðlar og politiskt samskifti, og hvussu hesir ávirka vælferð og fólkaræði. - Reflektera um omanfyrinevndu viðurskifti í sambandi við smátjóðir og oyggjasamfeløg.
Innihald: Skeiðið viðger ástøði og hugtøk innan miðlar og politiskt samskifti úr einum altjóða og føroyskum sjónarhorni. Tað setur søguligt, heimspekiligt, stjórnmálafrøðiligt og samfelagsfrøðiligt sjónarhorn á miðlar, miðlagerð og politiskt samskifti. Skeiðið viðger samanhangin millum miðlamentan, miðlaskipan, miðlatøkni og miðlaframleiðslu. Avgerandi spurningurin er, hvussu miðlagerð ávirkar sosialt og politiskt lív, og – í framhaldi av hesum – hvørjar avbjóðingar hetta kann hava fyri vælferð og fólkaræði.
Læru- og undirvísingarhættir: Skeiðið er grundað á eina samanseting av fyrilestrum, framløgum frá lesandi og skrivligum uppgávum.

Próvtøka

Próvtøkuháttur: - Munnlig próvtøka miðskeiðis í lestrarhálvuni. Skal standast fyri at sleppa upp til endaliga próvtøku. - Munnlig próvtøka við støði í skrivligari uppgávu.
Próvdøming (innanhýsis/uttanhýsis): Innanhýsis
Próvtalsstigi: 7-talsstigin
Próvtøkudagur/dagar: Uppgávan verður latin inn 25. mai 2023, og munnliga próvtøkan er sett til 7.-9. juni 2023.
Freist fyri frámelding til próvtøku: 15. februar 2023

Ábyrgd og undirvísarar

Aftur