2475 - Praksislæra
Skeiðsupplýsingar
Heiti
Praksislæra
Skeiðsnummar
2475.23
Lestrarár
2024-2025
ECTS
25,00
Stig
Master
Deildir
Søgu- og samfelagsdeildin
Útbúgvingar
M.A. í søgu, M.S.Sc. í samfelagsvísindum og stjórnmálafrøði
Fortreytir
1. og 2. lestrarhálvu á masterstigi, ella samsvarandi førleikar.
Undirvísingarmál
Føroyskt
Tilmelding
Lesandi á 3. lestrarhálvu í M.S.Sc. í politikki og umsiting og M.A. í søgu eru sjálvvirkandi tilmeldað. Stakgreinalesandi melda seg til skeiðið umvegis Lestrarskrivstovuni við at senda teldupost til lss@setur.fo
Byrjanardato
28. august 2024
Endadato
8. desember 2024
Fakligt innihald
Endamál
Endamálið við praksislæruni er at víðka um yrkisligu og fakligu førleikarnar hjá lesandi og at geva lesandi møguleikan at skapa nýggja og viðkomandi vitan, sum arbeiðsmarknaðurin spyr eftir. Endamálið er eisini at skapa ein samanhang millum útbúgving og arbeiðsmarknaðin og byggja brýr millum teoretiska og praktiska vitan.
Læruúrtøka
Tá skeiðið er lokið skal lesandi vera før/ur fyri: • At skriva eina akademiska praksislærufrágreiðing, sum inniheldur nýggja og viðkomandi vitan. • At reflektera kritiskt um praktiskar royndir og praksislærutíðarskeiðið. • At reflektera á einum vísindaligum grundarlagi um val av evni, um háttaløg, analysu og niðurstøður.
Innihald
Praksislæran fylgir lestrarárinum og byrjar um miðjan august og endar í desember. Innihaldið er: • Uppihald á arbeiðsplássinum, seminarvirksemi og vegleiðing, ið skapar samanhang millum akademiska læring og føroyska ella altjóða arbeiðsmarknaðin. • Praksisrættað og problemgrundað vísindalig frágreiðing, ið styrkir analytisku førleikarnar hjá tí lesandi
Læru- og undirvísingarhættir
Arbeiðið á Setrinum 5-7 dagar eru settir av til seminar á Setrinum. Arbeiðið á Setrinum stuðlar arbeiðinum við praksislærufrágreiðingini. Seminarini á Setrinum verða skipað við fyrilestrum, framløgum, kjaki og individuellari vegleiðing. Er praksislæran í øðrum landi verður serlig avtala gjørd um, hvussu hetta best verður skipað (t.d. við luttøku á netinum). Arbeiðið á praksislærustaðnum Praksislæran tekur støði í felags skrivligari avtalu millum Setrið, praksislærustaðið og tann lesandi. Endamálið við hesi avtalu er at tryggja, at semja er millum Setrið, tann lesandi og arbeiðsplássið um, hvat tann lesandi skal gera, og at valda evnið hevur eina fakliga dýpd og krevur analytiskar førleikar.
Próvtøka
Próvtøkuháttur
Áðrenn tann lesandi kann fara til próvtøku, skal hann/hon hava luttikið á nøktandi hátt í akademiska virkseminum á Setrinum og á arbeiðsplássinum. Hetta verður góðkent av skeiðs-ábyrgdara. Metingin verður gjørd við støði í eini heildarmeting av skrivligu praksislærufrágreiðingini og munnligari próvtøku.
Próvdøming (innanhýsis/uttanhýsis)
Innanhýsis
Próvtalsstigi
7-talsstigin
Próvtøkudagur/dagar
Praksislærufrágreiðingin verður latin inn 11. novemer 2024. Munnliga verjan er sett til 18., 19. og 20. november 2024.
Freist fyri frámelding til próvtøku
28. august 2024
Ábyrgd og undirvísarar
Ábyrgd
Heini í Skorini
Undirvísarar
Heini í Skorini
Aftur