Skeiðsgongd

Skeiðsupplýsingar

Heiti: Objektrættað forritan við Java 2
Skeiðsnummar: 5040.23
Lestrarár: 2024-2025
ECTS: 7,50
Stig: Bachelor
Deildir: Náttúruvísindadeildin
Útbúgvingar: B.Sc. í KT-verkfrøði, Diplom í web-menning
Fortreytir: • 5010.16 Innleiðing í teldufrøði • 5037.20 Innleiðandi forritan við Python • 5016.20 Teldunetverk og data samskifti • 5039.21 Objektrættað forritan við Java 1
Undirvísingarmál: Undirvíst verður á føroyskum og donskum. Lærubókin er á enskum, og annað undirvísingartilfar er á enskum, og møguliga donskum og føroyskum. Próvtøkur kunnu vera á føroyskum, donskum ella enskum.
Tilmelding: Lesandi á 3. lestrarhálvu á B.Sc. í KT-verkfrøði og 1. lestrarhálvu í Diploma í web menning eru sjálvvirkandi tilmeldað. Stakgreinalesandi melda seg til skeiðið umvegis Lestrarskrivstovuni við at senda teldupost til lss@setur.fo
Byrjanardato: 29. oktober 2024
Endadato: 20. desember 2024

Fakligt innihald

Endamál: At rannsaka samansett evni innan objektrættaða forritan. • Menning av grafiskum brúkaramarkamótum (GUI) • Generiskir klassar, metodur og tilgjørdir datastrukturar • Samstund (concurrency) við tráðum • Netverkan og netsamskifti
Læruúrtøka: Eftir skeiðslok skal lesandi vera før/ur fyri at: • Skapa og sniðgeva grafisk brúkaramarkamót við stuðli frá event-drivnari forritan í Java • Skapa og sniðgeva eitt fult virkandi GUI forrit við bæði fíl og netverks I/O • Sniðgeva, skapa og gagnnýta klassar, metodur og markamót til serlig endamál • Sniðgeva, skapa og gagnnýta generiskar klassar og metodur til serlig endamál • Sniðgeva, skapa og gagnnýta generiskar datastrukturar til serlig endamál • Brúka netverk, netsamskifti og I/O • Brúka samstund (concurrency), herundir at sniðgeva, skapa og brúka tráðir og tráðstýring til serlig endamál
Innihald: • Komponentgrundað og moduler grafisk brúkaramarkamót • Event-drivin forritan • Vanligir generiskir datastrukturar • Tráðir og tráðsynkronisering • Netverkan og net I/O • I/O stýring og streymar
Læru- og undirvísingarhættir: Fyrilestrar og bæði bólka- og einstaklingauppgávur. 4-6 kravdar innlatingar skulu vera stadnar fyri at sleppa til próvtøku.

Próvtøka

Próvtøkuháttur: Verkætlan við munnligari verju. Verkætlanin er grundarlagið undir munnligu próvtøkuni. Verkætlanin er samansett av einari partmongd av teimum kravdu uppgávunum. Verkætlanin verður sostatt ment frá skeiðsbyrjan og gjøgnum meginpartin av skeiðnum. Kravdu uppgávurnar skulu vera stadnar fyri at kunna fara til próvtøku, og til endurpróvtøku.
Próvdøming (innanhýsis/uttanhýsis): Uttanhýsis
Próvtalsstigi: 7-talsstigin
Próvtøkudagur/dagar: Próvtøkuinnlatingin er tann 20. desember, 2024. Munnliga próvtøkan er sett til 9. og 10. januar, 2025
Freist fyri frámelding til próvtøku: 29. oktober 2024

Ábyrgd og undirvísarar

Aftur