6341 - Organisatiónsmenning
Skeiðsupplýsingar
Heiti
Organisatiónsmenning
Skeiðsnummar
6341.24
Lestrarár
2023-2024
ECTS
7,50
Stig
Master
Deildir
Søgu- og samfelagsdeildin
Útbúgvingar
Master í leiðslu og skipan
Fortreytir
Bachelorútbúgving
Undirvísingarmál
Undirvíst verður á føroyskum og donskum. Undirvísingartilfar er á donskum og enskum.
Tilmelding
Lesandi á Master í leiðslu og skipan eru sjálvvirkandi tilmeldað. Stakgreinalesandi melda seg til skeiðið umvegis skrivstovuna á Søgu- og samfelagsdeildini við at senda ein teldupost til SSD@setur.fo.
Byrjanardato
5. apríl 2024
Endadato
25. mai 2024
Fakligt innihald
Endamál
Endamálið við skeiðinum er at tey lesandi skilja týdningin av organisatiónsmenning. Skeiðið ger tann lesandi føran fyri, á ein grundleggjandi hátt, at skilja ymisku partarnar av hvat organisatiónsmenning merkir, t.v.s. sniðgeving, íverksetan og eftirmeting av organisatiónsmenning.
Læruúrtøka
Eftir lokið skeið, skal lesandi verða før/ur fyri at: • Brúka gransking og vitan um organisatiónsmenning • Greiða frá, greina og meta um týdningin av organisatiónsmenning • Fáa starvsfólkahópin at skilja HVÍ organisatiónsmenning er neyðug • Lýsa hvussu ein í verki arbeiðir við Organisatoriskari Interventión (OI), t.v.s. menna, seta í verk og eftirmeta eitt OI átak, eisini í føroyskum høpi - • Greiða frá teimum ymisku fakligu hugtøkunum og fyribrigdunum, sum eru knýtt at nútímans organisatiónsmenning, so sum capacity-building, t.v.s. leiðsluátøk, ið hava við sær, at starvsfólki trívist og mennist, og á hendan hátt økja um evnini hjá organisatiónini at náa síni mál • Skilja ástøði handan lærandi stovnin og vísa í verki hvussu ein leiðir lærandi almennar - eins væl og privatar organisatiónir • Handfara og skilja evt. mótstøðu í starvsfólkahópinum, í eini organisatións-menningargongd.
Innihald
• Ymisk ástøðir (klassisk og nútímans) og gransking í samband við organisatiónsmenning • Organizational Intervention (OI) • Samskapandi (co-creation) organisatiónsmenning • Lærandi stovnur (The Learning Organization – LO) • Capacitybuilding • Relatiónsførleiki leiðarans til starvsfólkahópin • Fylgjuskapur og/ella mótstøða í organisatiónsmenningargongdini
Læru- og undirvísingarhættir
Fyrilestrar, gestafyrilestrar, bólkaarbeiði, kjak, framløgur frá lesandi og sjálvlestur.
Próvtøka
Próvtøkuháttur
Munnlig próvtøka, við støði í skrivligari heimauppgávu (portofolio-eksamia)
Próvdøming (innanhýsis/uttanhýsis)
Uttanhýsis
Próvtalsstigi
7-talsstigin
Próvtøkudagur/dagar
Skrivliga uppgávan verður latin inn 3. juni 2024. Próvtøkan er sett til 1. apríl 2024.
Freist fyri frámelding til próvtøku
5. apríl 2024
Ábyrgd og undirvísarar
Ábyrgd
Súsanna Olsen
Undirvísarar
Súsanna Olsen
Aftur