6734 - Sernámsfrøði I
Skeiðsupplýsingar
- Heiti
- Sernámsfrøði I
- Skeiðsnummar
- 6734.22
- Lestrarár
- 2024-2025
- ECTS
- 15,00
- Stig
- Bachelor
- Deildir
- Námsvísindadeildin
- Útbúgvingar
- B.Ed. sum námsfrøðingur
- Fortreytir
- Ongar
- Undirvísingarmál
- Undirvíst verður á føroyskum. Lærubókin er á donskum, og annað undirvísingartilfar er á donskum og føroyskum. Bólkarbeiði, framløgur o.a.m. er á føroyskum.
- Tilmelding
- Lesandi á 3. og 4. lestrarári í B.Ed. sum námsfrøðingur velja linjugrein umvegis Moodle. Um tøk lestrarpláss eru, ber til at melda seg til stakgreinalestur umvegis skrivstovuna á Námsvísindadeildini við at senda ein teldupost til NAD@setur.fo.
- Byrjanardato
- týsdagur, 27. august 2024
- Endadato
- fríggjadagur, 1. november 2024
Fakligt innihald
- Endamál
- Tann lesandi skal ogna sær vitan um sernámsfrøði í breiðum høpi og tørvin av hesum í samfelagnum. Hann skal eisini fáa innlit í sálar- og námsfrøðilig ástøði og bókmentir, sum seta dám á sernámsfrøðiligt virksemi. Harumframt er endamálið eisini at tann lesandi skal verða tilvitað(ur) um hugburð og egnan leiklut og ávirkan í yrkis- og samstarvshøpi.
- Læruúrtøka
- Eftir lokið skeið, skal hin lesandi duga at: • greiða frá og viðgera grundleggjandi ástøði í sernámsfrøðiligum viðurskiftum • vísa á, hvønn týdning professionellur hugburður, málburður og samstarv hava í sernámsfrøðiligum arbeiði og brúka hesi í bólkaarbeiði og venjingum • greina týdningin av tilknýti, menning, trivnaði og samskifti hjá einstaklinginum og bólkinum í sernámsfrøðiligum høpi • vísa innlit í, hvørji viðurskifti námsfrøðingurin skal vera tilvitaður um og hava vitan um í hesum samanhangi
- Innihald
- • Sernámsfrøði og sernámsfrøðiligi tørvurin • Bólkasálarfrøði • Menningarsálarfrøði • Mentalisering • Tilknýtisástøði • Skipanarástøði (systemteori) • Affektir • Samskifti og samskiftisførleiki í sernámsfrøðiligum støðum
- Læru- og undirvísingarhættir
- Fyrilestrar, verkætlanararbeiði, PBL-arbeiði, einstaklingaarbeiði, framløgur, case-viðgerðir, venjingar, sjálvlestur
Próvtøka
- Próvtøkuháttur
- Skrivlig uppgáva
- Próvdøming (innanhýsis/uttanhýsis)
- Uttanhýsis
- Próvtalsstigi
- 7-talsstigin
- Próvtøkudagur/dagar
- Skrivliga uppgávan verður latin inn tann 1. november, 2024
- Freist fyri frámelding til próvtøku
- týsdagur, 27. august 2024
Ábyrgd og undirvísarar
- Ábyrgd
- Katrin av Kák
- Undirvísarar
- Katrin av Kák