8881 vár - Yrki og grundleggjandi tørvir
Skeiðsupplýsingar
- Heiti
- Yrki og grundleggjandi tørvir
- Skeiðsnummar
- 8881.23
- Lestrarár
- 2024-2025
- ECTS
- 14,00
- Stig
- Bachelor
- Deildir
- Deildin fyri Heilsu- og Sjúkrarøktarvísindi
- Útbúgvingar
- B.Sc. í sjúkrarøktarfrøði
- Fortreytir
- Undirvísingarmál
- Undirvíst verður á føroyskum. Undirvísingartilfarið er í høvuðsheitum á donskum, umframt á enskum og skandinaviskum.
- Tilmelding
- Lesandi á 1. lestrarhálvu í B.Sc. í sjúkrarøktarfrøði eru sjálvvirkandi tilmeldað.
- Byrjanardato
- hósdagur, 30. januar 2025
- Endadato
- fríggjadagur, 28. mars 2025
Fakligt innihald
- Endamál
- Endamálið er, at lesandi fær vitan um sjúkrarøktaryrkið og grundleggjandi tørvir. Harumframt er endamálið, at lesandi mennir førleikar at greina sjúkrarøktarfakligar spurdómar og mennir akademiskt arbeiðslag.
- Læruúrtøka
- Tá skeiðið er lokið, skal tann lesandi vera førur fyri at: • Greiða frá sjúkrarøkt sum umsorganarfak relaterað til søguligt og nútíðar perspektiv • Staðfesta virkisøki innan sjúkrarøkt; tað er lógir, leiðreglur og yrkisástøði, og hvønn týdning tey hava fyri sjúkrarøktina • Lýsa ymisku menniskjaáskoðanirnar • Lýsa høvuðseyðkenni við náttúru-, samfelags- og hugvísindum • Greiða frá grundleggjandi tørvum hjá menniskjanum við støði í ástøði hjá Virginiu Henderson og Fundamentals of care (FoC) • Leita fram granskingargrundaða vitan, sum umrøður grundleggjandi tørvir • Greina sjúkrarøktarfakligar spurdómar út frá grundleggjandi tørvum • Orða seg skrivliga og munnliga um fakligar spurdómar rættað ímóti grundleggjandi tørvum • Argumentera við uppáhaldi, próvgrund og heimild • Lýsa týðandi hugtøk innan samskifti • Lýsa hugtøkini umsorgan, relatión, estetikk, etikettu og kropsfatan • Vísir at hon/hann megnar at útinna persónligt reinføri við atliti at blúni, intimiteti, integriteti og smittuspjaðing • Vísir hegni í at útinna handreinføri eftir galdandi reinførismeginreglum • Vísir hegni í at savna data inn við kliniskum háttaløgum • Lýsa leiklutin og virkisøkið hjá fakbólkunum, ið sjúkrarøktarfrøðingar samstarva við • Lýsa føroysku samfelagsskipanina og bygnaðin í heilsu- og almannaverkinum og kommununum • Lýsa týðandi hugtøk og ástøði um heilsufremjan og fyribyrging í mun til grundleggjandi sjúkrarøkt • Lýsa yrkisetisku leiðreglurnar í sjúkrarøktini og lýsa hvat eyðkennir yrkissiðfrøði • Sýna ábyrgd av egnari læru og sýna førleika at samstarva við undirvísarar og medlesandi.
- Innihald
- Undirvísingin er skipað sum ástøðilig og klinisk undirvísing. Innihaldið í ástøðiligu undirvísingini er: • Akademiskur lesnaður • E- leiting á alnetinum • Meting av keldum • Evidensur og evidenshierarki • Sjúkrarøkt sum yrki • Curologi og patientologi við denti á curologi • Innleiðsla til vísindaástøði/granskingarháttalag • Menniskjaáskoðan • Sjúkrarøktarsøga • Ástøði og sjúkrarøktarástøði við denti á umsorgan og relatión • Innleiðsla til løgfrøði: Heilsulógin við denti á tagnarskyldu, løggilding, rættarstøðu sjúklingsins, fyrilit og samvitskusemi. • Hugtøkini heilsufremjan og fyribyrging, og innleiðsla til “Health Promotion” modellið hjá Nola Pender • Grundleggjandi tørvir út frá ástøði hjá Virginiu Henderson • Ástøði um Fundamentals of care (FoC) • Kroppur og kropsfatan • Húð og húðrøktarevni • Innleiðsla til samfelagsfrøði og samfelagsskipanir, herundir bygnaðin í heilsu- og almannaverkinum og kommununum • Innleiðsla til siðfrøði, yrkisetisku leiðreglurnar í sjúkrarøktini og yrkissiðfrøði • Innleiðsla til heimspeki • Innleiðsla til samskifti og samskiftisvenjingar Innihaldið í klinisku undirvísingini í venjingarstovuni er: • Innleiðsla til venjingarstovuna sum útbúgvingarstað • Persónligt reinføri, munnrøkt og oyrnaskol • Samskiftisvenjingar • Refleksjón • Kravt lestrarvirksemi (sí skjalaskjáttu) o Handreinføri o Seingjarreiðing o Innsavnan og meting av vitalum virðum Innihaldið í klinisku undirvísingini á ellis- og røktarheimum (4 dagar punktpraktikk): • Handreinføri • Seingjarreiðing • Persónligt reinføri • Innsavnan av vitalum virðum • Samskifti og relatión • Refleksjón
- Læru- og undirvísingarhættir
- Undirvísingin er skipað við skifti millum fyrilestrar, dialog, case, bólkaarbeiði, sjálvlestur og uppgávuskriving. Harumframt hegnisvenjingar í venjingarstovuni og punktpraktikk á útvaldum kliniskum støðum.
Próvtøka
- Próvtøkuháttur
- Próvtøkan er ein 72 tíma skrivlig heimauppgáva. Góðkent kravt lestrarvirksemi er ein treyt fyri, at lesandi kann metast til próvtøkuna. Sí próvtøkukrøv.
- Próvdøming (innanhýsis/uttanhýsis)
- Innanhýsis
- Próvtalsstigi
- Staðið/Ikki staðið
- Próvtøkudagur/dagar
- Uppgávurorðingin verður útflýggjað 31. mars 2025 og skrivliga uppgávan verður latin inn 3. apríl 2025.
- Freist fyri frámelding til próvtøku
- hósdagur, 30. januar 2025
Ábyrgd og undirvísarar
- Ábyrgd
- Eivy Kristiansen
- Undirvísarar
- Eivy Kristiansen, Eina Hansen Eliasen