Skeiðsgongd

Skeiðsupplýsingar

Heiti: Akademisk skriving á enskum fyri granskarar
Skeiðsnummar: 8915.22
Lestrarár: 2024-2025
ECTS: 3,00
Stig: Ph.D.
Deildir
Útbúgvingar
Fortreytir: Luttakararnir skulu hava lokið masternám. Skeiðið er fyri granskarar, ið eru í gongd við granskingargrundaða skriving, uttan mun til um granskingarøkið er hugvísindi, samfelags- ella náttúruvísindi. Áðrenn skeiðið skulu luttakarar lata inn dømi við egnum teksti, sum verður tikin við sum skeiðsinnihald.
Undirvísingarmál: Undirvísingin og undirvísingartilfarið eru á enskum.
Tilmelding: Tilmelding fer fram við at útfylla umsóknarblað á setur.fo. Luttakarar skulu hava staðið masterlestur.
Byrjanardato: 6. november 2024
Endadato: 8. november 2024

Fakligt innihald

Endamál: Skeiðið hevur til endamáls at betra um førleikarnar hjá luttakarunum effektivt at skriva akademisk granskingargrundað handrit sum eftirlíka góðskukrøvum hjá akademiskum útgevarum í mun til málsligan stíl og innihald.
Læruúrtøka: Tá skeiðið er lokið, skal tann lesandi verða før/-ur fyri at: • Skriva stílreint enskt í samband við granskingargrundaða skriving • Greina og endurskoða akademiskan tekst við atliti til viðtøkur innan akademiska skriving • Nýta hóskandi retorikk, bygnað og mállæru í samband við skriving • Meta og skifta orð um skriving og ritstjórnan við nýtslu av mennandi feedback-mannagongdum. • Skipa og stýra egna skrivitilgongd
Innihald: Skeiðið fevnir um hesi evni: • Bygnað og stíl í hvørjum einstøkum parti av akademiskum greinum • Feed-back í mun til skriving og endurskoðan av handritum • Stílreglur fyri mállæru og orðatilfeingi • Retorisk amboð, ið byggja undir grundgevingar • Leistir og tilgongdir at skipa skrivligt arbeiði.
Læru- og undirvísingarhættir: Skeiðið fevnir um fyrilestrar, bólkaarbeiði, skrivi- og feedback-venjingar og sjálvlestur. Støðið verður tikið í endurskoðan av egnum teksti.

Próvtøka

Ábyrgd og undirvísarar

Aftur